İstanbul Mahkemesi 94 Numaralı Sicil (H. 1222-1223 / M. 1807-1809) cilt: 85, sayfa: 403 Hüküm no: 388 Orijinal metin no: [53b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Katipsinan mahallesi imamı ve sair ahalisinin mahalle sakinlerinden Mehmed ve eşi Fatıma’nın mahalleden çıkarılması talepleri Mahalle’den ihrâc, Ma‘rûz Ashâb-ı arzuhâl İstanbul’da Kâtib Sinan mahallesi imâmı Hafız Mehmed Efendi ve müezzini Hafız Ömer Efendi ve ahâlisinden Mehmed Hafid Efendi ve Halil Efendi ve Ömer Efendi ve Dîvân-ı âlî çavuşlarından Abdi Ağa ve Oturakçı es-Seyyid el-Hâc Veliyüddin Ağa ve Bogasıcı Ahmed Ağa ve Esirci Osman Ağa ve Berber Mustafa Ağa ve sâirleri meclis-i şer‘-i münîrde derûn-ı arzuhâlde mezkûrü’l-ism es-Seyyid Mehmed b. İsmail nâm kimesne muvâcehesinde hâmiş-i arzuhâlde mastûr Bâb Mahkemesi sicillâtından muhrec bin iki yüz yirmi senesi Şevvâli’nin yirmi beşinci günü târihiyle müverrah bir kıt‘a i‘lâm nâtık olduğu üzere mezbûr es-Seyyid Mehmed ve zevcesi gāibetü ani’l-meclis Fatıma Hatun mahallemiz sâkinlerinden olup lâkin kendi hâllerinde ırzlarıyla mukayyed olmayıp dil-âzâr ve hadîdü’l-lisân olduklarından mâ‘adâ dâimâ cümlemizi hilâf-ı şer‘-i şerîf ta‘cîz ve tekdîrden hâlî olmayıp bi’d-defa‘ât kendülere tenbîh olundukda bir vechile mütenebbihler olmamalarıyla kendülerden emn ü rahatımız yokdur deyü teşekkî ve mahalle-i mezbûreden hurûclarını iltimâs eylediğimizde mezbûrân dahi rızâlarıyla târih-i i‘lâm-ı mezkûrdan üç gün tamamında mahalle-i mezbûreden hurûca ta‘ahhüd etmiş iken mezbûrân târih-i merkūmdan berü mahallemizde sâkinler olup lâkin bu esnâda yine ef‘âl-i sâbıkālarında ısrâr etmeleriyle kendülerden emn ü rahatımız yokdur deyü teşekkî ve mahalle-i mezbûreden hurûclarını iltimâs eyledikleri İstanbul Mahkemesi’nden huzûr-ı [âlîlerine i‘lâm olundu]. Fî 19 Ca sene 1223.