İstanbul Mahkemesi 94 Numaralı Sicil (H. 1222-1223 / M. 1807-1809) cilt: 85, sayfa: 427 Hüküm no: 409 Orijinal metin no: [58a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Boyacı Aslan’ın Todori v. Anaştaş’tan elli Mısır altını alacağı olduğu 50 Mısır altını hükmü Ma‘rûz İstanbul’da Balıkpazarı’nda mütemekkin boyacı esnâfından Aslan v. Malamat nâm zimmî meclis-i şer‘-i münîrde yine esnâf-ı merkūmeden Todori v. Anaştaş zimmî muvâcehesinde ben bundan akdem malımdan mersûm Todori zimmîye elli aded Mısır zer-i mahbûbu ikrâz ve teslîm ol dahi iktirâz ve kabz ve istihlâk etmekle zikr olunan altınların misillerini mersûm Todori zimmîden taleb ederim deyü ba‘de’d-da‘vâ ve’l-inkâr müdde‘î-i mersûm ber-vech-i muharrer müdde‘âsını lede’t-tezkiye makbûlü’ş-şehâde idikleri zâhir olan yine esnâf-ı merkūmeden Panayot v. Kosta ve Kiryako v. Kırbato nâm zimmîler şehâdetleriyle bi’l-muvâcehe vech-i vecîh-i şer‘î üzere isbât etmeğin mûcebince elli aded Mısır altını bi-a‘yânihâ müdde‘î-i mersûma edâ ve teslîme mersûm Todori zimmîye tenbîh olunduğu İstanbul Mahkemesi’nden huzûr. Fî-gurreti C sene 1223.