İstanbul Mahkemesi 94 Numaralı Sicil (H. 1222-1223 / M. 1807-1809) cilt: 85, sayfa: 432 Hüküm no: 415 Orijinal metin no: [58b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İstanbul için Karabiga, Bandırma ve Bergos’tan tedarik edilen buğdayın her bir kilesinin yüz on paraya satın alındığı Fiyât-ı zehâir Ma‘rûz Der-aliyye’de mevcûd asâkirin rûz-merre ta‘yînâtları’çün i‘tâ olunan nân-ı azîzin esmânına mahsûb olmak üzere on beş bin keyl hınta ve Boğaz Muhâfızı devletlü Ahmed Paşa hazretleri taraflarına yevmiye verilen dakīka bedel olmak üzere beş bin keyl hınta ki cem‘an yirmi bin keyl hınta anbar-ı âmireden ifrâz ve habbâzân esnâfına tevzî‘ olunan zehâirin yedi bin beş yüz kile Bandırma hıntası ve yedi bin beş yüz kile Karabiga ve Bergos hıntası ve beş bin kile munakkah hınta olup cümlesinin beher keylleri yüz onar paraya râyic olmağla zehâir-i mezkûrun ecnâs ve fiyâtı minvâl-i meşrûh üzere olduğu İstanbul Mahkemesi’nden huzûr. Fî 8 Cumâdelâhire sene 1223.