İstanbul Mahkemesi 94 Numaralı Sicil (H. 1222-1223 / M. 1807-1809) cilt: 85, sayfa: 435 Hüküm no: 418 Orijinal metin no: [59b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İbrahim Efendi’nin sattığı zenci cariye bedelinden Esirci Mahmud Ağa’dan üç yüz elli kuruş alacağı olduğu 350 guruş hüküm Ma‘rûz İbrahim Efendi b. Hüseyin nâm kimesne meclis-i şer‘-i münîrde Esirci Mahmud Ağa b. Memiş nâm kimesne muvâcehesinde mezbûr Mahmud Ağa zimmetinde bundan akdem yedimden ve malımdan iştirâ ve kabz eylediği ma‘lûmü’l-vasf bir re’s zenciye câriye semeninden üç yüz elli guruş alacak hakkım olmağla meblağ-ı merkūmu mezbûr Mahmud Ağa’dan hâlâ taleb ederim deyü da‘vâ ol dahi ber-vech-i muharrer ikrâr ü i‘tirâf etmeğin alâ-mûcibi i‘tirâfihî meblağ-ı merkūm üç yüz elli guruşun müdde‘î-i mezbûr İbrahim Efendi’ye edâ ve teslîmiyle mezbûr Mahmud Ağa ilzâm olunduğu İstanbul Mahkemesi’nden huzûr-ı âlîlerine i‘lâm olundu. Fî 21 C sene 1223.