İstanbul Mahkemesi 94 Numaralı Sicil (H. 1222-1223 / M. 1807-1809) cilt: 85, sayfa: 458 Hüküm no: 442 Orijinal metin no: [63b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.
Hacı Osman’ın yanan berber dükkânını yeniden yaptıktan sonra eski kiracısı Ömer Alemdar’a aylık dörder kuruş ücretle kiraya verdiği
Berber dükkânı îcârı
Ma‘rûz
Derûn-ı arzuhâlde mezkûrü’l-ism el-Hâc Osman b. el-Hâc Osman nâm kimesne meclis-i şer‘-i münîrde sâhib-i arzuhâl Ömer Alemdâr b. Ahmed muvâcehesinde İstanbul’da Çukurçeşme’de câmi‘-i şerîf yanında bakkāl dükkânı ittisâlinde kâin bi’l-icâreteyn mutasarrıf olduğum bir bâb berber dükkânımda merkūm Ömer Alemdâr beher mâh dört guruş kirâ ile müstecirim ve hâmiş-i arzuhâlde mastûr derkenâr mantûkunca Başmuhâsebe’de mukayyed ve mu‘teber dükkân-ı mezkûrun gediği müstecirim merkūmun mülkü olup bundan akdemce bi-kazâillâhi te‘âlâ vukū‘ bulan harîkde dükkân-ı merkūm muhterik olmağla bu esnâda binâ ve tekmîl etmemle dükkân-ı mezkûru kadîmi üzere beher şehr dörder guruş icâre tesmiyesiyle merkūm Ömer Alemdâr’a îcâr ve teslîm eylediğimde ol dahi ber-vech-i muharrer istîcâr ve kabûl ve icâre-i mezkûreyi cevr ü ezâ etmeksizin mâh be-mâh bana edâya ta‘ahhüd eyledi dedikde ol dahi tasdîk eylediği İstanbul Mahkemesi’nden huzûr.
Fî 2 B sene [1]223.
|