İstanbul Mahkemesi 94 Numaralı Sicil (H. 1222-1223 / M. 1807-1809) cilt: 85, sayfa: 476 Hüküm no: 460 Orijinal metin no: [67a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bağdatlı Tacir Yosib’in sattığı Hind çitârî ve keremsûd bedelinden Mühürdarzade Ömer Ağa’dan iki bin seksen sekiz buçuk kuruş alacağı olduğu 2.088,5 guruş hüküm Ma‘rûz İstanbul’da Yeni Han’da mütemekkin Bağdâd tüccârından Yosib v. Yagob nâm zimmî meclis-i şer‘-i münîrde Bezzâzistânî Mühürdârzâde es-Seyyid Ömer Ağa b. es-Seyyid Osman mahzarında mezbûr es-Seyyid Ömer Ağa zimmetinde iki kıt‘a temessük mantûklarınca bundan akdem malımdan ve yedimden iştirâ ve kabz eylediği Hind çitârîleri ve keremsûd semenlerinden cem‘an üç bin üç yüz on dört buçuk guruşun dokuz yüz seksen altı guruşunu ceste ceste nakden bana def‘ ü teslîm ve iki yüz kırk guruşunu dahi mezbûrdan iştirâ ve kabz eylediğim Sakız sandalı semenine takas ve mahsûb olunup ol-vechile cem‘an bin iki yüz yirmi altı guruşunu ahz ü istifâ etmemle bâkīsi olan iki bin seksen sekiz buçuk guruşu mezbûr es-Seyyid Ömer Ağa’dan hâlâ taleb ederim deyü da‘vâ etdikde ol dahi cevâbında kaziyye minvâl-i meşrûh üzere olduğunu bi-tamamihâ tâyi‘an ve kat‘iyyen ikrâr ü i‘tirâf etmeğin alâ-mûcibi i‘tirâfihî meblağ-ı bâkī-i mezbûr iki bin seksen sekiz buçuk guruşu müdde‘î-i mesfûr Yoseb zimmîye edâsıyla mezbûr es-Seyyid Ömer Ağa ilzâm olunduğu İstanbul Mahkemesi’nden huzûr. Fî 9 Receb sene [1]223.