İstanbul Mahkemesi 94 Numaralı Sicil (H. 1222-1223 / M. 1807-1809) cilt: 85, sayfa: 480 Hüküm no: 465 Orijinal metin no: [67b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Çelebi b. Receb Vakfı’nın mütevellisi Mustafa Halife’nin vefat etmesi üzerine tevliyetin oğlu Derviş Ali’ye tevcihi Tevliyet tevcîhi Ma‘rûz Sâdır olan fermân-ı âlîlerine imtisâlen işbu arzuhâl ve derkenâra nazar olundukda nezâret-i dâ‘îlerinde olan evkāfdan İstanbul’da Kızılmaslak nezdinde Alemîbey mahallesinde merhûm Mehmed Çelebi b. Receb müsakkafâtı vakfının yevmî bir akçe vazîfe ile tevliyetine eslah ve ekber evlâd-ı vâkıfdan bi’l-meşrûta mutasarrıf olan Mustafa Halîfe b. Mehmed Ruscuk Kazâsı’nda fevt ve işbu sâhib-i arzuhâl Hafız Derviş Ali müteveffâ-yı merkūmun sulbî sahîh oğlu olup eslah ve ekber-ı evlâd-ı evlâd-ı vâkıfdan olmağla nevbet-i tasarruf-ı tevliyet ber-mûceb-i şart-ı vâkıf kendiye intikāl eylediği kazâ-i merkūm ahâlisinden husûs-ı merkūma vukūf-ı tamları olan udûl-i Müslimînden Hüseyin Beşe b. Ahmed ve Kuyumcuoğlu Molla Veyis b. Ali nâm kimesnelerin alâ-tarîki’ş-şehâde ihbârlarıyla mütehakkık olmağın tevliyet-i merkūme vazîfe-i mersûmesiyle babası müteveffâ-yı merkūmun mahlûlünden ber-mûceb-i şart-ı vâkıf eslah ve ekber olan oğlu merkūm Hafız Derviş Ali’ye tevcîh ve yedine berât-ı şerîf-i âlî-şân sadaka ve ihsân buyurulmak iktizâ eylediği İstanbul Mahkemesi’nden huzûr. Fî 19 Receb sene [12]23.