İstanbul Mahkemesi 94 Numaralı Sicil (H. 1222-1223 / M. 1807-1809) cilt: 85, sayfa: 510 Hüküm no: 498 Orijinal metin no: [73a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fatma bt. Numan’ın haksız yere bir miktar mücevher ve eşyasını aldığı iddiasıyla eski kocası Kömürcü Mehmed Sadık aleyhine açtığı davada iddiasını ispat edemediği Eşyâ men‘i Ma‘rûz Sâhibe-i arzuhâl mu‘arrefetü’z-zât Fatma bt. Numan nâm hatun meclis-i şer‘-i münîrde zevc-i sâbıkı derûn-ı arzuhâlde mezkûrü’l-ism Kömürcü es-Seyyid Mehmed Sadık b. Ali muvâcehesinde mezbûr es-Seyyid Mehmed Sadık ile zevciyet beynimizde kāime iken menzilinde bir takrîb sandığımı açıp malımdan elli guruş kıymetli bir elmas gül yüzük ve elli guruş kıymetli bir zümrüd yüzük ve yüz elli guruş kıymetli bir çift altın bilezik ve yüz guruş kıymetli bir yeşil çârşâl ve altmış guruş kıymetli bir neftî çuka ferâcemi bi-gayrı hakkın ahz etmekle eşyâ-i muharrere-i mezkûreyi mezbûr es-Seyyid Mehmed Sadık’dan hâlâ taleb ederim deyü ba‘de’d-da‘vâ ve’l-inkâr müdde‘iye-i mezbûre ber-vech-i muharrer müdde‘âsına ikāmet-i beyyineden izhâr-ı acz birle bi’t-taleb merkūm es-Seyyid Mehmed Sadık vech-i şer‘î üzere tahlîf olunmağın mûcebince müdde‘iye-i merkūme da‘vâ-yı mezkûresiyle mezbûr es-Seyyid Mehmed Sadık’a bilâ-beyyine mu‘ârazadan men‘ olunduğu İstanbul Mahkemesi’nden huzûr. Fî 25 B sene [1]223.