İstanbul Mahkemesi 94 Numaralı Sicil (H. 1222-1223 / M. 1807-1809) cilt: 85, sayfa: 543 Hüküm no: 535 Orijinal metin no: [78b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Teberdar Ahmed Ağa ile Yoğurtçu Anaştaş arasındaki yoğurtçu dükkânı gediği satış anlaşmasının tarafların rızasıyla fesholunduğu Yoğurtcu kârhânesi gediği ikālesi Ma‘rûz Derûn-ı arzuhâlde mezkûrü’l-ism Teberdâr el-Hâc Ahmed Ağa b. Ali nâm kimesne meclis-i şer‘-i münîrde sâhib-i arzuhâl yoğurtçu esnâfından Anaştaş v. Roci nâm zimmî muvâcehesinde İstanbul’da Salmatomruk nâm mahâlde Kefeli mahallesinde vâki‘ bir bâb yoğurtçu kârhânesi derûnunda mevcûde beyne’l-esnâf gedik ta‘bîr olunur işbu mersûm Anaştaş zimmînin müstakıllen yedinde mülkü olan âlât-ı lâzıme-i ma‘lûmesinin nısf-ı şâyi‘ini yedinde ibkā ve nısf-ı şâyi‘-i âharını işbu târih-i i‘lâm senesi Cumâdelûlâ’nın altıncı günü beş yüz guruş semen tesmiyesiyle bâ-hücccet bana bey‘ ü temlik ve teslîm ben dahi ber-vech-i muharrer iştirâ ve temellük ve kabûl edip lâkin semen-i merkūmu bâyi‘-i mesfûr Anaştaş zimmîye edâ ve teslîm etmek benim için müte‘assir olmağla el-hâletü hâzihî bey‘-i mezkûru bi’t-terâzî beynimizde fesh ve ikāle birle meblağ-ı mezkûru mesfûr Anaştaş zimmîye redd ü teslîm eyledim fîmâ-ba‘d sâlifü’z-zikr yoğurtçu gediği ta‘bîr olunan âlât-ı lâzıme-i ma‘lûme kemâ-fi’s-sâbık mesfûr Anaştaş zimmînin müstakıllen mülk-i mahzı ve hakk-ı sırfı olup benim gedik-i mezkûrda kat‘a alâka ve medhalim kalmayıp ve mesfûr Anaştaş zimmetinde bir akçe ve bir habbe hakkım ve alacağım yokdur deyü ikrâr ve tasdîkleri İstanbul Mahkemesi’nden huzûr. Fî 10 Ş sene [1]223.