İstanbul Mahkemesi 94 Numaralı Sicil (H. 1222-1223 / M. 1807-1809) cilt: 85, sayfa: 555 Hüküm no: 547 Orijinal metin no: [80b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sabuncu Numan’ın kendisinden rüşvet aldığı iddiasıyla Sabuncular esnafının eski kethudası Molla Ali aleyhine açtığı davasından vazgeçtiği 175 guruşdan meccânen ibrâ Ma‘rûz Sabuncu esnâfından es-Seyyid Numan b. Ali nâm kimesnenin oğlu ve tarafından husûs-ı âtîde vekîl olduğu es-Seyyid Abdullah b. Hüseyin ve es-Seyyid Ebûbekir b. Ebîbekir nâm kimesneler şehâdetleriyle sâbit olan es-Seyyid İsmail meclis-i şer‘-i münîrde derûn-ı arzuhâlde mezkûrü’l-ism sâbıkā Sabuncular Kethudâsı Molla Ali b. el-Hâc Osman muvâcehesinde târih-i i‘lâmdan iki buçuk sene mukaddem müvekkilim babam merkūm es-Seyyid Numan İstanbul’da Kantarcılar nâm mahâlde sabuncu dükkânı küşâdı’çün malından rüşvet tarîkıyla kethudâ-yı sâbık-ı merkūma verdiği yüz yetmiş beş guruşu bi’l-vekâle istirdâd murâdımdır deyü tasaddî eylediğim da‘vâmdan bi’t-tav‘ ve’r-rızâ meccânen fâriğ olup meblağ-ı merkūma müte‘allika da‘vâdan mezbûr Molla Ali’nin zimmetini kabûlü hâvî bi’l-vekâle ibrâ ve iskāt eyledim deyü ikrâr ve tasdîkleri İstanbul Mahkemesi’nden huzûr. Fî 12 Şa‘bân sene [1]223.