İstanbul Mahkemesi 94 Numaralı Sicil (H. 1222-1223 / M. 1807-1809) cilt: 85, sayfa: 560 Hüküm no: 554 Orijinal metin no: [81a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bakkal Yani’nin davalının aracılığıyla devraldığı attar dükkânıyla ilgili olarak açılan davada yaptığı harcamayı tazmin etmesi talebiyle Mehmed Said Efendi aleyhine açtığı davasının meşru olmadığı 150 guruş men‘ Ma‘rûz Sâhib-i arzuhâl Bakkāl Yani v. Vasil nâm zimmî meclis-i şer‘-i hatîrde merhûm Veliyüddin Efendizâde kethudâsı derûn-ı arzuhâlde mezkûrü’l-ism Rumeli kuzâtı eşrâfından Mehmed Said Efendi mahzarında İstanbul’da Koca Habbâz fırınında Sancakdâr Hayreddin mahallesinde vâki‘ merhûm-ı mûmâ-ileyhden hayatında kethudâ-yı mezbûr Mehmed Said Efendi vesâtetiyle altı yüz on iki buçuk guruş bedel-i makbûza bâ-re’y-i mütevellî tefevvüz eylediğim bakkāl ve attâr dükkânlarından ancak bir bâb attâr dükkânını bu esnâda Şerife Hanife ve Şerife Habibe bintey-i es-Seyyid Hüseyin nâm hatunlar zuhûr edip babamızdan müntakil tasarrufumuzdadır deyü benden da‘vâya tasaddî ve beynimize muslihûn tavassutuyla malımdan yüz elli guruş mezbûretâna teberru‘an def‘ ü teslîm etmemle onlar dahi da‘vâ-yı mezkûrelerinden fâriğalar olup dükkân-ı merkūma müte‘allika da‘vâdan beni kabûlümü hâvî ibrâ ve ol-vechile kat‘-ı münâza‘a olunmuş olup lâkin zikr olunan dükkânları merhûm-ı mûmâ-ileyhden hayatında mücerred kethudâ-yı mezbûr vesâtetiyle tefevvüz eylediğime binâen bu def‘a mezbûretân Şerife Hanife ve Şerife Habibe hatunlara teberru‘an verdiğim meblağ-ı merkūmu mezbûr Mehmed Said Efendi malından bana zâmin olsun deyü takrîr-i meşrûhu üzere tasaddî eylediği da‘vâsı şer‘an mesmû‘a olmamağla merkūm Mehmed Said Efendi’ye suâl dahi teveccüh etmeyip bî-vech mu‘ârazadan men‘ olunduğu İstanbul Mahkemesi’nden huzûr. Fî 24 Receb sene [1]223.