İstanbul Mahkemesi 94 Numaralı Sicil (H. 1222-1223 / M. 1807-1809) cilt: 85, sayfa: 565 Hüküm no: 559 Orijinal metin no: [81b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe bt. Mehmed’in Yedekçi Şehri Mehmed Ağa aleyhine açtığı alacak davasında iddiasını ispat edemediği 720 guruş ücret men‘i Ma‘rûz Sâhibe-i arzuhâl mu‘arrefetü’z-zât Âişe bt. Mehmed nâm hatun meclis-i şer‘-i münîrde derûn-ı arzuhâlde mezkûrü’l-ism Yedekci Şehrî Mehmed Ağa b. el-Hâc İbrahim muvâcehesinde mezbûr Mehmed Ağa zî-ıyâl olmağla bundan akdem ben merkūmun menzilinde beher şehr beşer guruş ücret tesmiyesiyle on iki sene hizmet etmemle müddet-i mezkûrede ecr-i müsemmâ-yı mezkûrumdan mezbûrun zimmetinde müctemi‘ olan yedi yüz yirmi guruş hâlâ taleb ederim deyü da‘vâ etdikde ol dahi cevâbında müdde‘iye-i mezbûre fakīre olduğuna mebnî hâline merhameten müsâferet tarîkıyla menzilimde sâkine olmuş idi deyip ber-vech-i muharrer istîcâr ve istihdâmını külliyen inkâr etmekle müdde‘iye-i mezbûre ber-vech-i muharrer müdde‘âsına ikāmet-i beyyineden izhâr-ı acz ve talebiyle merkūm Mehmed Ağa’ya vech-i şer‘î üzere yemîn verilmeğin mûcebince müdde‘iye-i mezbûre Âişe Hatun da‘vâ-yı mezkûresiyle merkūm Mehmed Ağa’ya bilâ-beyyine mu‘ârazadan men‘ olunduğu İstanbul Mahkemesi’nden huzûr. Fî 15 Ş sene [1]223.