İstanbul Mahkemesi 97 Numaralı Sicil (H.1217-1225 / M. 1802-1810) cilt: 83, sayfa: 93 Hüküm no: 32 Orijinal metin no: [10a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tuna ve Varna taraflarından İstanbul’a gelen çerviş yağlarının, hile amacıyla fıçılara konulmuş olsalar bile Yağ Kapanı’na zapt olunup dağıtıma sokulacağı Yağ Kapanı’na dâir fermân. İstanbul [Kādısı] Fazîletlü Efendi Tuna ve Varna taraflarından Âsitâne’ye tevârüd edegelen revgan-ı çervişin öteden beri yedekler ile gelmesi mu‘tâd iken bu esnâda çerviş yağlarını tüccâr tâifesi fıçılara vaz‘ ederek tevârüd etmekde olduğu tahkīk olunup bu sûret nizâma mugāyir bir hâlet olmağla imdi bu husûsu iktizâ edenlere tenbîh ile fîmâ-ba‘d fıçı ile vürûd eden çerviş yağları dahi yedekler misillü Kapan’a <> zabtolunup hesâbıyla tevzî‘a idhâl olunması ve hîle-i mezkûre vukū‘ bulmaması esbâbının istihsâline dikkat ve nizâm-ı kadîmin ihlâl ve ifsâdlarını mûcib işbu hâlât-ı rediyyeyi irtikâb edenler her kim ise tahkīk birle ism ü resm ve şöhretiyle keyfiyetini i‘lâma mübâderet eyleyesiz deyü buyruldu. Fî 27 Z sene [1]217