İstanbul Mahkemesi 97 Numaralı Sicil (H.1217-1225 / M. 1802-1810) cilt: 83, sayfa: 225 Hüküm no: 131 Orijinal metin no: [54b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İstanbul’a odun getiren gemi sahiplerine, daha önce belirlenmiş olan fiyattan odun satmaları hususunda tembihte bulunulması Hatab narhı. Bâ-sahh-ı âlî. İstanbul Kādısı Fazîletlü Efendi ( ) ve Gümrük Emîni Ağa Geçen sene ashâb-ı sefâin ve sâiri ma‘rifetiyle ve rızâsıyla hatabın beher tefesine yetmiş üç para narh verilmiş iken vâki‘ olan istirhâm ve istid‘âlara mebnî seksener paraya kadar füruhtuna ruhsat husûsunda müsâmaha ve müsâ‘afe olunmuş iken bu vesîle ile üç guruşa kadar hatab sattıkları istihbâr olunup bu keyfiyet ızrâr-ı ibâdı mûcib olmağla imdi reisler kethudâsı ma‘rifetleriyle çenber ve çekeleve ashâbını cem‘ ve sene-i sâbıkada olan ruhsata göre hatab bey‘ edip ziyâdesinden tevakkī ve mübâ‘adet etmek üzere taht-ı râbıtaya idhâl ve mütenebbih olmayanlar tedîb olunacağını etrâfıyla tefhîm birle ona göre nizâmını ifâdeye mübâderet eyleyesiz deyü buyruldu. Fî 4 S sene [1]221