İstanbul Mahkemesi 97 Numaralı Sicil (H.1217-1225 / M. 1802-1810) cilt: 83, sayfa: 402 Hüküm no: 282 Orijinal metin no: [109b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kale kapılarındaki kantarcıların nizama aykırı ücret talep etmemesi Kantar fermânı. Bâ-sah. İstanbul Kādısı İzzetlü, Fazîletlü Efendi Hazretleri Bi’l-cümle kal‘a kapılarında olan kantarcılar mu‘tâd üzere kantariyesini ahz ettikden sonra bir o kadar şey dahi taleb ederek ızrâr-ı ibâdı mûcib harekâta ibtidâr eyledikleri bi’l-ihbâr tahkīk olunmağla imdi bundan böyle mu‘tâd ve şurûtlarından ziyâde bir akçe almayıp kadîmi üzere kantariyelerini ahz eylemeleri husûsunu emînleri ma‘rifetiyle nizâma rabta dikkat ve hilâf-ı nizâm hareket ederi olur ise tedîb olunacaklarını dahi gereği gibi tenbîhe mübâderet eyleyesiz deyü. Fî 19 B sene [12]23