İstanbul Mahkemesi 97 Numaralı Sicil (H.1217-1225 / M. 1802-1810) cilt: 83, sayfa: 403 Hüküm no: 283 Orijinal metin no: [109b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İstanbul’a getirilen buğdaydan yapılan unun, uncuların suistimalinden dolayı Kapan naibi tarafından doğrudan ekmekçilere tevzi olunması Dakīk fermânı. Bâ-sah. İstanbul Kādısı İzzetlü, Fazîletlü Efendi Hazretleri Bu def‘a Der-aliyye’ye tarafımızdan celb olunan hınta un ettirilmekde ise de gerek İstanbul ve gerek karşı Galata ve Üsküdar ve Boğaziçi ve Eyüp taraflarında olan uncu esnâfı tahn olunan dakīkı alıp diledikleri bahâya füruht etmekde oldukları ihbâr olunmakdan nâşî gerek Der-aliyye’de ve gerek karşı taraflarda uncu esnâfı dakīk-ı mezkûrdan bir vakıyye almayıp cümlesi Kapan Nâibi Efendi ma‘rifetiyle ekmekci esnâfına tevzî‘ ve füruht olunması husûsuna irâde-i seniyye ta‘alluk etmekle imdi fîmâ-ba‘d esnâf-ı merkūmeye dakīk-ı mezkûrdan bir vakıyye verilmeyip cümlesi Kapan Nâibi Efendi ma‘rifetiyle ekmekci esnâfına tevzî‘ ve füruht olunması husûsuna mübâderet eyleyeler deyü. Fî 18 B sene [12]23