İstanbul Mahkemesi 97 Numaralı Sicil (H.1217-1225 / M. 1802-1810) cilt: 83, sayfa: 412 Hüküm no: 292 Orijinal metin no: [112b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hamalların fazla ücret talep etmemeleri Hammâlânın ücret narhı emri. Bâ-sah. İstanbul Kādısı İzzetlü, Fazîletlü Efendi Hazretleri Fi’l-asl hammâlların ücretleri taht-ı nizâmda iken bir müddetden beri bakılmayarak ahmâl ve eşyâ nakleyledikleri mahâllin yakın ve uzağına göre hammâllık almağa kanâ‘at etmeyip ziyâde ücret talebine ibtidâr ile ibâdullâhı ızrârdan hâlî olmadıkları ihbâr ve tahkīk olunmağla sicilde mukayyed nizâmları ne vechile ise fîmâ-ba‘d götürdükleri ahmâl ve eskālden semt ve mahâlline göre nizâm-ı kadîmleri vechile hammâllıklarına kanâ‘at edip ziyâde talebiyle ızrâr-ı ibâda ibtidâr etmemek üzere tanzîmine mübâderet eyleyeler deyü. Fî 22 Ş sene [12]23