İstanbul Mahkemesi 97 Numaralı Sicil (H.1217-1225 / M. 1802-1810) cilt: 83, sayfa: 484 Hüküm no: 356 Orijinal metin no: [130a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Frenk riyalinin, 5 kuruştan daha fazla fiyatla alınıp verilmemesi Riyalin beş guruşdan ziyâdeye adem-i râyici. Bâ-sah. İstanbul Kādısı Fazîletlü Efendi Envâ‘-ı altının nâs beyninde râyic olduğu fiyât-ı ma‘lûme ile ahz ü i‘tâ olunup bir akçe ziyâdeye alınıp verilmemesini ve ziyâdeye alan ve veren olur ise verilen fetvâ-yı şerîfe mûcebince tedîbât-ı meşrû‘âsı icrâ kılınacağını mübeyyin çend-rûz akdemce tarafınıza hitâben beyâz üzerine sâdır olan emr-i âlîde riyâl-i Frengî mezkûr olmayıp ancak riyâl-i mezkûr dahi beş guruşa ahz ü i‘tâ olunup ziyâdeye râyic olmaması husûsu dahi ittifâk-ı ârâ ile karâr-gîr-i nizâm olmağla imdi fîmâ-ba‘d riyâl-i Frengî dahi beş guruşa ahz ü i‘tâ olunup bir akçe ziyâdeye alınıp verilmemesi husûsunu mahalleleri ahâlîsine tefh[î]m eylemelerini mahallât imâmlarına tenbîh ve te’kîde dikkat ve siz dahi dâimâ nezâret eyleyesiz deyü. Fî 26 B sene [1]224