İstanbul Mahkemesi 97 Numaralı Sicil (H.1217-1225 / M. 1802-1810) cilt: 83, sayfa: 510 Hüküm no: 378 Orijinal metin no: [136a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Terkin edilmiş kayıt İşbu fermân-ı mezkûr mukaddem kaydolunmağla darb olunmuşdur. < [136b] Fe-lillâhi’l-hamdü ve’l-minne, işbu sene-i mübârekede düşman-ı dînimiz olan Moskov keferesiyle vukū‘ bulan muhârebelerde galebe ve nusret asker-i zafer-meâsirim tarafında vâki‘ olmuş ise dahi bi-avnihî sübhânehû ve te‘âlâ sene-i âtiyede dahi kefere-i menhûseden ahz-ı intikām olunmak niyet-i hâlisasıyla sefer-i hümâyûnum muhakkak olduğuna binâen ordu-yı hümâyûnumda tecemmu‘ edecek asâkir-i muvahhidînin iktizâ eden malzemesi tedârükünde zarûret ve muzâyaka çekilmemek için esfâr-ı sâbıkada olageldiği üzere ordu-yı zafer-makrûnumda mevcûd bulunmak üzere hırfet>>