İstanbul Mahkemesi 137 Numaralı Sicil (H.1236-1238 / M 1821-1822) cilt: 86, sayfa: 118 Hüküm no: 84 Orijinal metin no: [18b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Cihânbeyli ve Şeyh Bozanlı aşiretinin Anadolu’dan İstanbul’a getirdiği koyunların kasap esnafına dağıtımı On sekiz bin Karaman ağnâmın[nın] tevzî‘i Ma‘rûz-ı dâ‘î-i devlet-i aliyyeleridir ki Anadolu’da Cihânbeyli ve Şeyh Bozanlı Ekrâdından olup bu def‘a Der-aliyye’ye cem‘an on sekiz bin dokuz yüz Karaman ağnâmı ve dört yüz re’s keçi sevk ve tesyîr eden celeb tâifesinden altı yüz otuz re’s ganemin mâliki Cihânbeyli Osman b. Hüseyin ile altı yüz re’s ganemin mâliki Kara Hasan oğlu Hüseyin’den her biri nefîslerinden asâleten ve altı yüz otuz re’s ganemin mâliki Cihânbeyli Ömer ve sekiz yüz elli re’s ganemin mâliki Hasan ve dört yüz re’s ganemin mâliki Pîroğlu Ebûbekir ve üç yüz elli re’s ganemin mâliki Gedlik?oğlu Hasan ve iki yüz elli re’s ganemin mâliki Yusuf oğlu Ebûbekir ve dört yüz re’s ganemin mâliki el-Hâc Mehmed ve yüz altmış re’s ganemin mâliki el-Hâc Ali oğlu Ali ve iki yüz altmış re’s ganemin mâliki Kozoğlu Ahmed ve beş yüz re’s ganemin mâliki el-Hâc Mehmed ve dokuz yüz re’s ganemin mâliki Bozoğlu Ali ve beş yüz re’s ganemin mâliki Hacı Daloğlu Ahmed ve iki yüz altmış re’s ganemin mâliki Karahasan oğlu Mehmed ve iki yüz re’s ganemin mâliki Hacı Ömer oğlu Ömer ve beş yüz re’s ganemin mâliki Ahmed ve üç yüz re’s ganemin mâliki Kemesoğlu Ali ve dört yüz re’s ganemin mâliki Bâyezidoğlu Ali ve dört yüz re’s ganemin mâliki Vâmerdin? ve bin re’s ganemin mâliki Hacı Pehlivan oğlu Hacı Mehmed ve yedi yüz re’s ganemin mâliki Tüfenkçi Hüseyin ve yedi yüz re’s ganemin mâliki Cibril ve sekiz yüz re’s ganemin mâliki Hacı Bektaş oğlu Hacı Ali ve beş yüz re’s ganemin mâliki Ömer b. Ebûbekir ve beş yüz re’s ganemin mâliki Karakethüdâ oğlu Yusuf ve beş yüz re’s ganemin mâliki İbrahim oğlu Yusuf ve üç yüz re’s ganemin mâliki Mehmed taraflarından husûs-ı âtîde vekîlleri olmağla vekâleten ve yine dört yüz re’s ganemin mâliki olan Şeyh Bozanlı Hacı Abdurrahman ile beş yüz re’s ganemin mâliki Hacı İsadan herbir dahi nefislerinden asaleten ve üç yüz elli re’s ganemin mâliki Şedidoğlu Mehmed Ağa ve altıyüz re’s ganemin mâliki Deli Süleyman ve yedi yüz re’s ganemin mâliki Kars Hasan ve üç yüz re’s ganemin mâliki Mehmed b. Mehmed ve beş yüz re’s ganemin mâliki Yaralı Mustafa ve yüz altmış re’s ganemin mâliki Kasım ve beş yüz re’s ganemin mâliki Mikail oğlu Ahmed ve üç yüz re’s ganemin mâliki Karaarab Hüseyin ve yedi yüz re’s ganemin mâliki Kopeloğlu Ömer ve dört yüz re’s ganemin mâliki Karaali ve dört yüz re’s keçinin mâliki Karabektaş oğlu Hasan taraflarından vekîlleri olmağla vekâleten meclis-i şer‘-i münîrde kasab ustalarından es-Seyyid Hasan Efendi ve el-Hâc İbrahim Ağa ve Mercanlı el-Hâc Ali Ağa ve Mimarlı Mehmed Ağa ve Eğrikapu kethüdâsı el-Hâc Osman Efendi ve Edirnekapılı İbrahim Ağa ve Topkapılı Mustafa Ağa ve sâirler hâzır oldukları hâlde kassabân esnâfının kethüdâsı el-Hâc Hasan Ağa b. el-Hâc Osman mahzarında Bosna celeblerinden mazbûtü’l-esâmî zimmîler mevcûd iken her biri takrîr-i kelâm edüp biz ber-vech-i muharrer mâlikler olduğumuz hayvânât-ı mezkûreyi bundan akdemce bâ-fermân-ı âlî verilen nizâm üzere lühûmun beher kıyyesini kassabân esnâfına otuz yedi para ve kuyruklarının beher kıyyesini kırk para ve ağnâm sakatlarını on para ve keçi sakatlarını beş para i‘tibâriyle kassabân esnâfına tevzî‘ içün kethüdâ-yı merkūm el-Hâc Hasan Ağa’ya teslîme ve kethüdâ-yı merkūm dahi ağnâm-ı mezkûrenin mikdâr ve semenlerini mübeyyin bâkīlerini hîn-i tevzî‘inden yirmi bir gün mürûrunda ve akçelerini hîn-i tevzî‘inden otuz bir gün mürûrunda esnâfından cem‘ ve tahsîl-birle bize tamamen îfâya ve lühûmun beher kıyyesini narh-ı cârî üzere kırkar paraya ve kuyruğun beher kıyyesini kırk üçer paraya ibâdullâha bey‘e hâlâ hâssa kasabbaşısı efendinin inzımâm-ı re’yi ile ta‘ahhüd ve tarafeynden her birimiz âharın ta‘ahhüdlerini kabûl eyledik dediklerini kethüdâ-yı merkūm ba‘de’t-tasdîk ber-mûceb-i nizâm tevzî‘e ta‘ahhüd eyledikleri İstanbul [19a] mahkemesinden huzûr [-ı âlîlerine i‘lâm olundu.] Fî 18 Z sene 1236