İstanbul Mahkemesi 137 Numaralı Sicil (H.1236-1238 / M 1821-1822) cilt: 86, sayfa: 123 Hüküm no: 87 Orijinal metin no: [20a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kamaryalı Derviş Mehmed Ağa b. Hasan ile ortağı Yorgi v. Simyon’un sabuncu esnaflığına dâhil edilmeleri Sabuncuyânın ta‘ahhüdü Ma‘rûz[-ı dâ‘î-i devlet-i aliyyeleridir ki] İstanbul’da Alaca Hamam kurbünde Karakaş dükkânı demekle ma‘lûm bir bâb sabuncu dükkânının müsteciri Dimyanos zimmî hilâf-ı rızâ-i âlî hareketde olmağla bundan akdemce esnâf-ı merkūme ma‘rifetiyle tevzî‘i kat‘ olunmuş ise de bu esnâda zimmî-i mersûm diyâr-ı âhara gidip ve dükkân-ı mezkûr el-yevm sabuncu esnâfından Kamaryalı Derviş Mehmed Ağa b. Hasan ile şerîki Yorgi v. Simyon zimmînin taht-ı icârelerinde olup ve merkūmân ırzlarıyla mukayyedler olduklarını esnâf-ı merkūmenin Kethüdâsı el-Hâc Ahmed Ağa ve esnâfından es-Seyyid Mehmed Ârif Ağa ve es-Seyyid Mustafa Ağa ve es-Seyyid el-Hâc Emrullah Ağa ve sâirleri ihbâr ve merkūmânın hilâf-ı rızâ-i âlî hareket etmeyeceklerini her biri tekeffül dahi etmeleriyle dükkân-ı mezkûr kemâ-fi’s-sâbık tevzî‘e idhâl olunduğu İstanbul Mahkemesi’nden huzûr [-ı âlîlerine i‘lâm olundu.] Fî 27 Zilhicce sene 1236