İstanbul Mahkemesi 137 Numaralı Sicil (H.1236-1238 / M 1821-1822) cilt: 86, sayfa: 135 Hüküm no: 101 Orijinal metin no: [22b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Panayot v. Tohari’nin, Sabatay v. Yasef’e olan borcunu ödemesi gerektiği Beş yüz doksan sekiz guruş çuka semeninden hüküm Ma‘rûz-ı dâ‘î-i devlet-i aliyyedeleridir ki Arzuhâlde mastûrü’l-ism Çukacı Sabatay v. Yasef Yahûdi meclis-i şer‘-i münîrde arzuhâl eden Panayot v. Tohari zimmî muvâcehesinde sene-i sâbıkā Zilhiccesinin yirmi dördüncü günü ile müverrah ve Mahmudpaşa mahkemesi sicilinde mukayyed bir kıt‘a i‘lâm-ı şer‘î mantûkunca mersûm Panayot zimmî zimmetinde çuka semeninden mahkûmun-bih hakkım olan yedi yüz altmış dokuz guruşun yüz seksen guruşunu bana edâ edüp bâkīsi olan beş yüz seksen dokuz guruşu ceste ceste veririm deyü bi-gayr-ı hakkın bana hâlâ edâdan imtinâ‘ etmekle meblağ-ı bâkī-i mezbûr beş yüz seksen dokuz guruşu hâlâ bana edâya mersûm Panayot zimmîye tenbîh olunması murâdımdır deyü da‘vâ ol dahi ikrâr etmeğin mûcebiyle meblağ-ı bâkī-i mezbûr beş yüz seksen dokuz guruşun müdde‘î-i merkūma hâlâ edâsıyla mesfûr Panayot zimmî ilzâm olunduğu İstanbul Mahkemesi’nden huzûr [-ı âlîlerine i‘lâm olundu.] Fî 7 M sene 1237