İstanbul Mahkemesi 137 Numaralı Sicil (H.1236-1238 / M 1821-1822) cilt: 86, sayfa: 139 Hüküm no: 107 Orijinal metin no: [23a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fesci esnafının, Mahmud Ağa b. Mahmud’a olan borcunun taksitlendirildiği Fesci esnâfının taksiti Ma‘rûz[-ı dâ‘î-i devlet-i aliyyeleridir ki] Âsitâne-i aliyyede vâki‘ fesci esnâfının kethüdâsı Kasım Ağa ve esnâfından Süleyman Ağa ve Said Ağa ve Ahmed ve Salih ve Süleyman ve diğer Mehmed ve Said ve Salih ve Ahmed ve diğer Said ve diğer Ahmed ve Kasım ve Yusuf ve diğer Kasım ve el-Hâc Feyzullah ve âhar Said ve Salim ve Ömer ve diğer Ömer’den her biri bin iki yüz otuz altı senesi gurre-i Zilhiccesi ile muvarraha ve İstanbul mahkemesi sicilinde mukayyed bir kıt‘a hüccet-i şer‘iyye mantûkunca her [biri] âharın zimmetine lâzım gelen mikdâra kefîl bi’l-mâl ve dâmin olarak bâ‘isü’l-i‘lâm el-Hâc Mahmud Ağa b. Mahmud’un yedinden ve mâlından ale’l-iştirâk karz aldıkları dört bin üç yüz otuz buçuk guruş on sekiz paranın südüsünü târih-i hüccet-i mezkûrede bir hafta mürûrunda ve südüsünü işbu târih-i i‘lâm günü ve südüsünü gurre-i Saferi’l-hayrda ve südüsünü Rebî‘ülevvel gurresinde ve südüsünü Rebî‘ülâhir gurresinde ve südüsünü gurre-i Cemâziyelevvelîde merkūm el-Hâc Mahmud Ağa’ya edâ etmek üzere merkūm el-Hâc Mahmud Ağa’nın rızâsıyla bâ-istimhâl taksîte rabt olunmuş olduğu İstanbul Mahkemesi’nden huzûr [-ı âlîlerine i‘lâm olundu.] Fî-gurreti M sene 1237