İstanbul Mahkemesi 137 Numaralı Sicil (H.1236-1238 / M 1821-1822) cilt: 86, sayfa: 151 Hüküm no: 117 Orijinal metin no: [25b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tahtaminareli İbrahim Ağa’nın, Üsküdarî İbrahim Ağa’ya olan borcunu ödemesi gerektiği [10]38 guruşa hüküm Ma‘rûz[-ı dâ‘î-i devlet-i aliyyeleridir ki] Attâr esnâfından bâ‘isü’l-i‘lâm Üsküdârî İbrahim Ağa b. Ali nâm kimesne meclis-i şer‘-i münîrde yine esnâf-ı merkūmeden Tahta Minâreli İbrahim Ağa b. el-Hâc Musa nâm kimesne muvâcehesinde mezbûr İbrahim Ağa zimmetinde sene-i sâbıkā Recebi’l-ferdinin yirmi dokuzuncu günü târihiyle müverrah bir kıt‘a tahvîl mûcebince yedimden ve mâlımdan iştirâ ve kabz eylediği vezn ve fiyatı beynimiz[de] ma‘lûm kahve semeninden bin otuz sekiz guruş alacak hakkım olmağla mezbûr İbrahim Ağa’dan hâlâ taleb ederim deyü da‘vâ ettikte ol dahi cevâbında kaziyye minvâl-i meşrûh üzere olduğunu bi-tamâmihî tâyi‘an ve kat‘iyyen ikrâr u i‘tirâf etmeğin alâ-mûcebi ikrârihi meblağ-ı mezkûr bin otuz sekiz guruşun müdde‘î-i merkūm Üsküdarî İbrahim Ağa’ya edâ ve teslîmine mezbûr Tahta Minâreli İbrahim Ağa ilzâm olunduğu İstanbul Mahkemesi’nden huzûr[-ı âlîlerine i‘lâm olundu.] Fî 18 M sene 1237