İstanbul Mahkemesi 137 Numaralı Sicil (H.1236-1238 / M 1821-1822) cilt: 86, sayfa: 156 Hüküm no: 124 Orijinal metin no: [26b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hâfız Mehmed Efendi b. Mustafa’nın nizama aykırı davranması sebebiyle kâğıtçı esnaflığından çıkarıldığı Kâğıtçı esnâfının dükkândan ihrâcı Ma‘rûz[-ı dâ‘î-i devlet-i aliyyeleridir ki] Âsitâne-i aliyyede vâki‘ kâğıtçı esnâfının kethüdâsı es-Seyyid Mehmed Ağa ve kağıtçıbaşı es-Seyyid el-Hâc Mehmed Emin Ağa ve yiğitbaşıları Hâfız Mehmed Efendi ve esnâfından Yahya Efendi ve Ali Efendi ve el-Hâc Mustafa Ağa ve es-Seyyid Mehmed Usta ve el-Hâc Abdullah Efendi ve Mustafa Ağa ve Süleyman Ağa ve Ahmed Efendi ve Ömer Ağa ve İsmail Ağa ve diğer İsmail Ağa ve sâirleri meclis-i şer‘-i münîrde yine esnâf-ı merkūmede Hâfız Mehmed Efendi b. Mustafa mahzarında her biri takrîr-i kelâm edüp mezbûr Hâfız Mehmed Efendi esnâfımızdan olup lâkin kendi hâlinde ırzıyla mukayyed olmayup şürût-ı nizâmımıza muhâlif hareket ve her birimize hilâf-ı şer‘-i şerîf itâle-i lisân etmekle ol vechile mezbûrdan emn ve rahatlarımız külliyen meslûb olmuşdur deyü bi’l-muvâcehe sû-i hâlini ihbâr ile teşekkî ve esnâfdan hurûcunu istid‘â ve istirhâm eyledikleri İstanbul Mahkemesi’nden huzûr [-ı âlîlerine i‘lâm olundu.] Fî-selh-i M sene 1237