İstanbul Mahkemesi 137 Numaralı Sicil (H.1236-1238 / M 1821-1822) cilt: 86, sayfa: 157 Hüküm no: 125 Orijinal metin no: [26b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Anaştaş v. Londari’nin, Mustafa Ağa’ya olan borcunu ödemesi gerektiği Yedi yüz elli guruş pirinç semeninden hüküm Ma‘rûz[-ı dâ‘î-i devlet-i aliyyeleridir ki] Bâ‘isü’l-i‘lâm Pirinççi Mustafa Ağa b. Ebûbekir nâm kimesne meclis-i şer‘-i münîrde bakkāl Anaştaş v. Londari nâm zimmî muvâcehesinde mersûm Anaştaş zimmî zimmetinde yedimden ve mâlımdan iştirâ ve kabz eylediği vezn ve fiyatı beynimizde ma‘lûm pirinç semeninden yedi yüz elli guruş alacak hakkım olmağla meblağ-ı mezkûru mesfûr Anaştaş zimmîden hâlâ taleb ederim deyü da‘vâ ettikte ol dahi cevâbında kaziyye minvâl-i muharrer üzere olduğunu bi-tamâmihâ ikrâr u i‘tirâf etmeğin alâ-mûcebi ikrârihi meblağ-ı mezkûr yedi yüz elli guruşun müdde‘î-i mezbûr Mustafa Ağa’ya edâ ve teslîmiyle mesfûr Anaştaş zimmî ilzâm olunduğu huzûr-ı [âlîlerine i‘lâm olundu.] Fî 25 M sene 1237