İstanbul Mahkemesi 137 Numaralı Sicil (H.1236-1238 / M 1821-1822) cilt: 86, sayfa: 241 Hüküm no: 217 Orijinal metin no: [42b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Anbar-ı âmireden habbâzan esnafına dağıtılacak olan buğdayın cins ve fiyatının belirlenmesi Hınta Ma‘rûz[-ı dâ‘î-i devlet-i aliyyeleridir ki] Derûn-ı takrîrde zikr olunduğu üzere bin iki yüz otuz altı senesi Şevvâli’l-mükerreminin yirmi dokuzuncu gününden i‘tibâren mîrî anbarlarından habbâzâna tevzî‘ olunan kırk bin keyl zehâirin takrîr ve telhîsi mûceblerince sudûr eden fermân-ı âlî ve ba‘dehû ecnâs ve fiyatını mübeyyin i‘lâm-ı dâ‘iyânem yed-i âharda zâyi‘ olup kaleminden sûret i‘tâ olunmuş idüğü takrîr ve derkenârlardan müstebân olup lâkin târih-i mezkûrda zehâir-i mezkûrenin mu‘tâd üzere takrîr olunmasını kimesne iltimâs etmeyerek ol vechile emr-i âlî ve i‘lâm olunmayarak tevzî‘ ve kapan defterine kayd ettikleri tahkīk olunan sâlifü’z-zikr kırk bin keyl zahâyirin yirmi bin keyli Arnabud hıntası olup beher keyli yüz altmışar paraya ve yirmi bin [key] Mısır hıntası olup beher keyli yüz ellişer paraya tevzî‘ olunmuş idüğü defter-i merkūmda mukayyed olunduğu hâlâ kapan nâibi efendi dâ‘îleri ve habbâzân esnâfı kethüdâları ve nizâm ustaları târih-i merkūmda vech-i meşrûh üzere esnâfının aldıklarını haber verdikleri sâdır olan emr-i şerîflerine imtisâlen İstanbul Mahkemesi’nden huzûr [-ı âlîlerine i‘lâm olundu.] Fî 18 Ca sene 1237