İstanbul Mahkemesi 137 Numaralı Sicil (H.1236-1238 / M 1821-1822) cilt: 86, sayfa: 247 Hüküm no: 223 Orijinal metin no: [43b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Abdullah Fevzi Çavuş b. İbrahim’in, şal semeninden Yusuf Bey b. Mehmed Ali’nin zimmetini ibrâ ettiği Fermâyeş şal semeninden 250 guruşa sulh Ma‘rûz[-ı dâ‘î-i devlet-i aliyyeleridir ki] Sâhib-i arzuhâl es-Seyyid el-Hâc Abdullah Fevzi Çavuş b. el-Hâc İbrahim meclis-i şer‘-i enverde sâbıkā cezîre-i Rodos sancağı mutasarrıfı dergâh-ı âlî kapıcı başılarından derûn-ı arzuhâlde mezkûrü’l-ism Yusuf Bey b. Mehmed Ali tarafından husûs-ı âtîde vekîli olduğu İbrahim b. Abdi ve Mehmed Ağa b. Ahmed şehâdetleriyle mahzar-ı hasm-ı câhidde ber-nehc-i şer‘î sâbit ve sübût-ı vekâletine hükm-i şer‘î lâhık olan Hâfız Mehmed Efendi b. Halil muvâcehesinde bundan akdem cezîre-i merkūmede mâlımdan sekiz yüz yetmiş beş guruş kıymetli bir fermâyeş şal ile beheri on beş guruş kıymetli on dokuz aded şîrugan küplerimi müvekkil-i mûmâ-ileyhe edâ ve teslîm ol dahi emâneten yedimden kabz edüp hâlâ bana edâ etmemekle mevcûde ise ayanını müstehlike ise kıymetlerini tazmîn taleb ederim deyü tasaddî eylediğim da‘vâlarımdan ancak zikr olunan şal müdde‘âmdan bâ-vesâtet-i muslihîn işbu meclis-i şer‘de mu‘âyene olunan diğer bir müsta‘mel fermâyeş şal ile nakden iki yüz elli guruş üzerine müvekkil-i mûmâ-ileyh ba‘de akdi’l-musâlaha ve’l-kabûl bedel-i sulh-i merkūm sâlifü’z-zikr diğer bir müsta‘mel fermâyeş şal ile meblağ-ı merkūm iki yüz elli guruşu vekîl-i merkūm Hâfız Mehmed Efendi işbu meclis-i şer‘de bana def‘ ve teslîm ben dahi yedinden ahz ü kabz edüp zikr olunan sekiz yüz yetmiş beş guruş kıymetli bir fermâyeş şal husûsuna müte‘allika âmme-i da‘vâdan müvekkil-i mûmâ-ileyhin zimmetini kabûlü hâvî ibrâ ve iskāt etmemle fîmâ ba‘d ancak zikr olunan şal husûsuna müte‘allika müvekkil-i mûmâ-ileyh ile kat‘â da‘vâ ve nizâ‘ım kalmadı deyü ikrâr u i‘tirâfını vekîl-i merkūm Hâfız Mehmed Efendi bi’l-vekâle tasdîk eylediği İstanbul Mahkemesi’nden huzûr [-ı âlîlerine i‘lâm olundu.] Fî 12 Ca sene 1237