İstanbul Mahkemesi 137 Numaralı Sicil (H.1236-1238 / M 1821-1822) cilt: 86, sayfa: 294 Hüküm no: 271 Orijinal metin no: [54b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Anbar-ı âmireden habbâzan esnafına dağıtılacak olan buğdayın cins ve fiyatının belirlenmesi Zahâyir Ma‘rûz[-ı dâ‘î-i devlet-i aliyyeleridir ki] Sâdır olan fermân-ı âlîlerine [imtisâlen] işbu telhîsi mûcebince bu def‘a mîrî anbarlarından habbâzân esnâfına tevzî‘ ve i‘tâ buyrulan kırk bin keyl zahâyirin on beş [bin] keyli Mısır hıntası olup beher keyli yüz altmış iki paraya ve on bin Akdeniz-i cedîd hıntası olup beher keyli yüz altmış paraya ve beş bin keyli Akdeniz-i atîk hıntası olup beher keyli yüz altmış iki paraya ve beş bin keyli kokoroz olup beher keyli yüz elli paraya ve iki bin beş yüz keyli erzen-i cedîd olup beher keyli yüz yirmi paraya ve iki bin beş yüz keyli erzen-i atîk olup beher keyli yüz paraya olmağla zahâyir-i mezkûrenin ecnâs ve fiyatı minvâl-i muharrer üzere idüğü ihbâr olunduğu İstanbul Mahkemesi’nden huzûr-ı âlîlerine i‘lâm olundu. Fî 5 B sene 1237