İstanbul Mahkemesi 137 Numaralı Sicil (H.1236-1238 / M 1821-1822) cilt: 86, sayfa: 401 Hüküm no: 388 Orijinal metin no: [80b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kurban bayramında cami ve mescitlerin aydınlatılması Bâ-sahh İstanbul Kādısı fazîletlü efendi İşbu i‘lâmınız rikāb-ı mülûkâneye lede’l-vusûl manzûr-ı cenâb-ı padişâhî olmağla mûcebince leyle-i merkūmede îkād-ı kanâdil olunmak üzere iktizâ edenlere tenbîhe mübâderet eyleyesin deyü [buyruldu] Fî 3 Z sene [1]237 Dergâh-ı felek-medâr ve bârgâh-ı gerdûn-iktidâr türâbına ma‘rûz-ı dâ‘î-i adîmü’l-iktidârlarıdır ki târih-i hicret-i fahr-i kâinât aleyhi ve alâ-âlihî efdâlü’t-tahiyyât efendimiz hazretlerinin işbu bin iki yüz otuz yedinci sene-i mültezimetü’l- müyemmenetesi Zilhicceti’ş-şerîfesi hılâli tavâfeyn-i girîve-i tarassud ve sâ‘iyân-ı şâhrâh-ı nefakda bi’l-mu‘âyene cilve-perdâz-ı vakfa rü’yet olamayıp gurre-i Zilka‘deti’ş-şerîfe şer‘an yevm-i sebtden mu‘tebere olduğuna mebnî ber-muktezâ-yı şer‘-i şerîf sâhibü’l-hatîm ve’l-makām tekmîl-i selâsin ile i‘zâz ve ihtirâm ve şehr-i mübârek-i hacc-ı şerîfe işbu yevm-i isneyn ibtidâ-yı i‘dâd-ı eyyâm olmağla dokuzuncu Salı günü yevm-i arefe-i mağfiret-hedâyâ ve ferdâsı olan Çarşamba günü îd-i edhâ-yı meyâmin-mutâyâ olup leyle-i îd-i mübârek-i merkūmda de’b-i dirîn-i devlet-i aliyye üzere minârât-ı cevâmi‘ ve mesâcid îkād-ı kanâdil ile tezyîn kılınmak bâbında iktizâ edenlere tenbîhi hâvî fermân-ı vâcibü’l-ittibâ‘ sudûru iktizâ eylediği İstanbul Mahkemesi’nden atebe-i ulyâlarına arz ve i‘lâm olundu.