Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 314 Hüküm no: 340 Orijinal metin no: [52b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Maroki v. Dimitri’nin terekesine İstorli v. Yanaki’nin vasî tayin edildiği Mahmiye-i İstanbul’da Parmakkapı kurbunda sâkin papuççu tâifesinden olup bundan akdem hâlik olan Maroke v. Dimitri’nin zâhirde vâris-i ma‘rûfu olmayıp düyûn-ı kesîresi olmağla terekesini kabz ve deynini [53a] edâya cânib-i şerî‘at-i garrâdan bir vasî nasb ve ta‘yîn olunmak lâzım ve yine tâife-i mezkûreden işbu bâ‘isü’l-vesîka İstorli v. Yanaki nâm zimmî vesâyet-i mezkûre uhdesinden gelmeğe kādir olduğunu zeyl-i kitâbda mektûbü’l-esâmî müslimîn ihbârâtıyla hâkim-i muvakki‘-i sadr-ı kitâb -tûbâ-lehû ve hüsnü me’âb- hazretleri mezbûr İstorli’yi cânib-i şer‘-i kavîmden vekîl nasb ve ta‘yîn eyledikde ol dahi kabûl ve hizmet-i lâzımesin kemâ yenbağī edâya iltizâm etmeğin işbu vesîka bi’t-taleb ketb olundu. Fi’l-yevmi’s-sâdis ve’l-ışrîn min Recebi’l-ferd li sene seb‘a ve tis‘în ve elf. Şuhûdü’l-hâl: El-Hâc Mustafa Kethüdâ-yı Ali, es-Seyyid Mustafa b. Ali, el-Hâc Mustafa [b.] Tevekkül, üstâd Yusuf [b.] Mehmed.