Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 317 Hüküm no: 344 Orijinal metin no: [53b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Bolu’daki Hacı İmam Pınarı mezraasının tasarruf hakkına Şeyh Mehmed ile Osman Efendi’nin müştereken sahip oldukları İttifâk hüccetidir Vilâyet-i Anadolu’da Bolu sancağında Viranşehir kazâsında Şerefeddin nâm karyede vâki‘ Hacı İmâm Pınarı mezra‘asına evlâddan olmağla meşrûtiyyet üzre mutasarrıf olan Şeyh Mehmed Efendi b. Ahmed Efendi meclis-i şer‘-i şerîf-i enverde işbu bâ‘isü’l-kitâb Osman Efendi b. Murad mahzarında bi’t-tav‘i’s-sâf ikrâr-ı tâm ve takrîr-i kelâm edip mezbûr Osman Efendi vâkıf-ı mezbûrun evlâdından derecede benimle müsâvî olmağla vâkıf-ı mezbûrun şart ve ta‘yîni üzre mezbûr Osman Efendi ile zâviye-i mezkûreyi iştirâk-i seviy üzre zabt ve tasarruf edip her birimiz âhara bî-vech mu‘âraza etmemek üzre ahd ü mîsâk eyledik dedikde gıbbe’t-tasdîki’l-mu‘teberi’l-vicâhî, mâ hüve’l-vâki‘ bi’t-taleb ketb olundu. Fî evâhiri Recebi’l-ferd li sene seb‘a ve tis‘în ve elf. Şuhûdü’l-hâl: Es-Seyyid Mehmed Efendi b. İbrahim Ağa, Molla Mehmed b. Satılmış, Mehmed Ağa b. Köse Mehmed, İbrahim Çelebi [b.] Ahmed, Ahmed Efendi b. Mehmed el-Kadı, el-Hâc Mustafa b. Tevekkül.