İstanbul Mahkemesi 138 Numaralı Sicil (H.1237-1238 / M. 1821-1822) cilt: 87, sayfa: 59 Hüküm no: 13 Orijinal metin no: [4a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Firari Keresteci Yorgi v. Nikola’nın dükkânındaki eşyaların Mehmed Salih Reis’e satıldığı Hüve İstanbul’da Ebu’l-feth Sultan Mehmed Han -aleyhi’r-rahmetü ve’l-gufrân- hazretleri câmi‘-i şerîfi ebvâbından Boyacılar kapısı civârında doğramacı dükkânı ile boyacı dükkânının bahçesi beynlerinde kâin bir bâb keresteci dükkânında müsteciren mütemekkin olup dükkân-ı mezkûrun nısf-ı gedik âlâtına mâlik olan Keresteci Yorgi v. Nikola zimmî bundan akdem dükkân-ı mezkûru muğlakan terk ve ta‘tîl birle diyâr-ı âhara firâr ve gaybet-i münkatı‘a ile gāib ve mefkūd olmağla dükkân-ı mezkûrun ma‘rifet-i şer‘ ve kethudâ ve yiğitbaşı ve bi’l-cümle ustalar ma‘rifetleriyle kufli feth ü küşâd ve derûnunda mevcûd mütesâri‘u’l-fesâd olan eşyâsı tahrîr ve semen-i misli ile âhara bey‘ ve esmânı mefkūd-ı mersûmun hâli mütebeyyen oluncaya değin yed-i emîne vaz‘ ve dükkân-ı mezkûr kendüye teslîm olunması dükkân-ı mezkûrun nısf-ı gedik âlâtının âharına mâlik olan Anaştaş v. Dimitri zimmî bâ-arzuhâl istid‘â etmekle ol-bâbda sâdır olan fermân-ı âlîlerine imtîsâlen kıbel-i şer‘den mürsel Kâtib Hafız Mehmed Hidayetullah Efendi ve ma‘an meb‘ûs ümenâ-i şer‘den Çukadâr es-Seyyid Yusuf Ağa b. es-Seyyid Abdurrahman ve Muhzır Hüseyin Çelebi b. Mehmed ile esnâf-ı merkūme Kethudâsı Mustafa Ağa b. Osman ve Yiğitbaşı Süleyman Ağa b. Feyzullah ve re‘âyâdan Keresteci Aleksi v. Yorgi ve Bedros v. Yasef ve Pandeli v. Nikola ve Abraham v. Yoseb ve Aci Kostandi v. Nikola zimmîler mefkūd-ı mersûmun dâyinlerinden olup kereste semeninden üç bin yüz on yedi guruş alacağı olan el-Hâc Mehmed Salih Reis b. el-Hâc Mehmed ve cihet-i karzdan bâ-temessük iki bin guruş alacağı olan câmi‘-i şerîf-i mezkûrun Kayyımbaşısı Süleyman Efendi b. Mehmed ve idâne ile bin sekiz yüz yetmiş beş guruş alacağı olan merhûm Abdi Ağa’nın sulbiye kızı Hafıze nâm sagīrenin tesviye-i emrine bâ-hüccet vasî-i mensûbesi Fatıma Hatun ve cihet-i karzdan bâ-temessük bin guruş alacağı olan mersûm Anaştaş ve kezâlik cihet-i karzdan iki yüz elli guruş alacağı olan Keresteci Tanaş v. Mihal ve kezâlik cihet-i karzdan bâ-temessük beş yüz guruş alacağı olan Keresteci Yorgi v. İsak zimmîler hâzırûn oldukları hâlde dükkân-ı mezkûrun kuflüni feth ü küşâd ve derûnunda mevcûd mütesâri‘u’l-fesâd olan zikri câî eşyâsı tahrîr li-ecli’l-bey‘ kıbel-i şer‘den vasî nasb olunan merkūm Kethudâ Mustafa Ağa mefkūd-ı mersûmun hâli mütebeyyen oluncaya değin emîn ve mu‘temed ve müstakīm idüğü ihbâr olunup kıbel-i şer‘den kayyım nasb olunan merkūm el-Hâc Mehmed Salih Reis nâm kimesneye zikri âtî keresteyi işbu meclis-i şer‘de bâtten ve sahîhan bi-safkatin vâhidetin iki bin yedi yüz altmış buçuk guruşa bey‘ ve semeni yedinde ibkā eylediği defteridir ki ber-vech-i âtî zikr olunur. Fî 9 Za sene [1]237. #&# Çifte mâne Aded 113 Fî para 30 Para 63390 Melen topacı Aded 310 Fî para 13 Para 4.030 Kara sağar? Aded 528 Fî para 8 Para 4.224 Akçaşehir kurâbiyesi? Aded 136 Fî para 4 Para 544 Akçaşehir mânesi Aded 701 Fî para 36 Para 25.236 Kestane direği Aded 1.934 Fî para 5 Para 9.670 Kestane tahtası Aded 216 Fî para 7 Para 1.512 Alaplı tahtası Aded 746 Fî para 8 Para 5.968 Kitroz’un nerdubân sereni Aded 71 Fî para 45 Para 3.195 Gözeğe? çifte dolabı Aded 40 Fî para 140 Para 5.600 Çifte kanadlık Aded 401 Fî para 14 Para 5.614 Kestane kolluğu Aded 183 Fî para 12 Para 2.196 Anadolu’nun ufak dolabı Aded 17 Fî para 60 Para 1.020 Kitroz çiftesi Aded 618 Fî para 22 Para 13.596 Akçaşehir omurgası Aded 400 Fî para 8 Para 3.200 Sakarya kızaklığı Aded 56 Fî para 55 Para 3.080 Ereğli omurgası Aded 191 Fî para 13 Para 2.483 İnebolu koğuşu Aded 372 Fî para 12 Para 4.464 Kitroz oluğu Aded 14 Fî para 100 Para 1.400 Dörtleme Aded 160 Fî para 12 Para 1.920 İnebolu çam tahtası Aded 617 Fî para 3 Para 1.851 İstefan çiftesi Aded 36 Fî para 30 Para 1.880 Yenidünya direği Aded 1 Para 300 #&# Cem‘an yekûn Para Guruş 13 2.639 260 İskelelerden dükkân-ı mezkûra nakl olunan kereste hâmmaliyesi zam 2.899 13 58 Dellâliye ve çilingire 2.841 72,5 Harc-ı defter ve kalemiye ve kaydiye 2.768,5 Yalnız iki bin yedi yüz altmış sekiz buçuk guruşdur #&# Sahhü’l-bâkī merkūm iki bin yedi yüz altmış sekiz buçuk guruşu kayyım-ı mezbûr el-Hâc Mehmed Salih Reis ber-vech-i muharrer semen-i mebî‘-i makbûzdan zimmetinde gāib-i mersûma edâsı vâcib deyni olduğunu meclis-i şer‘de ikrâr ve i‘tirâf ve meblağ-ı mezkûr iki bin yedi yüz altmış sekiz buçuk guruşa kayyım-ı mezbûrenin emriyle Tahtakaleli Haffâf Hafız Mehmed Efendi b. Mehmed ve Kapan-ı asel yazıcılarından es-Seyyid Ali Yazıcı b. Mehmed ve Karayazıcılarından Akçaşehrî el-Hâc Mustafa Yazıcı b. Hüseyin ve Akçaşehrî Mustafa Yazıcı b. Mehmed nâm kimesnelerden her biri dahi müte‘âkiben kefîl bi’l-mâl ve dâmin olduklarında eşyâ-i mezkûreyi bi’l-izni’ş-şer‘î bey‘ eden kethudâ-yı vasî-i mezbûr Mustafa Ağa dahi kefâletlerini kabûl eylediği işbu mahalle şerh verildi.