İstanbul Mahkemesi 138 Numaralı Sicil (H.1237-1238 / M. 1821-1822) cilt: 87, sayfa: 203 Hüküm no: 170 Orijinal metin no: [41b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hasinici esnafından Firari Sava v. Yani’nin dükkânındaki eşyalar satılarak parasının Abdüllatif Ağa’ya teslim edildiği Kazzâz defteridir İstanbul’da Çarşı-yı Kebîr’de kazzâz sûkunda yağlıkçı sokağında vâki‘ Kazzâz Çarmakoğlu ve Bakkāloğlu Yanako zimmîler dükkânları beynlerinde kâin bir bâb hasinici? dükkânında müstecir mütemekkin olan hasinici esnâfından Sava v. Yani nâm zimmî iki buçuk seneden beri gāib ve mefkūd olmağla dükkân-ı mezkûrun ma‘rifet-i şer‘ ve kethudâ ve yiğitbaşı ve ustabaşıları ma‘rifetleriyle kufli feth ve küşâd ve derûnunda mevcûd mütesâri‘u’l-fesâd olan eşyâsı tahrîr ve semen-i misilleriyle âhara bey‘ ve esmânı mefkūd-ı mersûmun hâli mütebeyyen oluncaya değin yed-i emîne vaz‘ ve dükkân-ı mezkûr kendüye teslîm olunmasını dükkân-ı mezkûrun müsteciri ve kezâlik âlât-ı lâzımesinin mâlları mersûm Çarmakoğlu Begos <> zimmî istid‘â etmekle kıbel-i şer‘den mürsel Kâtib es-Seyyid Mehmed Tâhir Efendi ve ma‘an meb‘ûs ümenâ-i şer‘den Çukadâr Hüseyin Ağa b. Mahmud ve Muhzır Salih Çelebi b. Mehmed ile esnâf-ı merkūme kethudâsı Abdüllatif Ağa b. Mehmed Şakir ve Yiğitbaşı Mehmed Ağa b. Mustafa ve ustabaşılarından Aci Nikola v. Anton ve Sotori v. Aci Kostandi ve Kirkor v. Hodâverdi ve sâir cerîdede mazbûtü’l-esâmî kimesneler hâzır oldukları hâlde dükkân-ı mezkûrun kufli feth ve küşâd ve derûnunda mevcûde mütesâri‘u’l-fesâd olan eşyâsı semen-i misilleriyle âhara bey‘ olunup esmânı gāib-i mersûmun hâli mütebeyyen oluncaya değin emîn ve mu‘temed idüğü ihbâr olunup kıbel-i şer‘den kayyım nasb olunan kethudâ-yı merkūm Abdüllatif Ağa yedine li-ecli’l-hıfz teslîm olunan eşyâ defteridir ki ber-vech-i âtî zikr olunur. Fî-gurre-i R sene 1238. Karavişi ve kule? çil akçe elvân harc Tohum ve yılangûrî? ve çil akçe elvân harc Sakız düğmesi Meyis düğmesi Dirhem Kıyye Guruş Dirhem Kıyye Guruş Deste Deste 390 - 60 140 1 Fî 50 16 5 yekün yekün Guruş Guruş 178,5 67,5 16 5 Elvân bükme Bir mikdâr Eflâk oyası Sakız penbesi Nakid ufak para Dirhem Kıyye Guruş Guruş Dirhem Guruş para 30 1 Fî 60 10 330 11 11 Guruş Guruş 64,5 6,5 Yekûn Para Guruş 11 349 7 Dellâliye 11 342 8,5 Harc-ı defter 11 333,5 Sahhu’l-bâkī merkūm üç yüz otuz üç buçuk guruş on parayı kayyım-ı kethudâ-yı merkūm bi’l l-vesâye kabz ve bilâ-zarûre kendi umûruna sarfla istihlâk edip zimmetinde gāib-i mersûma damânen deyni olduğunu tâyi‘an ikrâr ve i‘tirâf ve meblağ-ı mezkûra kayyım-ı mezbûrun emirleriyle hasinici esnâfından Ustabaşı Kirkor v. Haçador ve Artin v. Bağdisar nâm zimmîlerden her biri müte‘âkiben kefîl bi’l l-mâl ve dâmin olup tashîhan li’l-kefâle vasî nasb olunan merkūm Salih Çelebi b. Mehmed dahi kefâletlerini kabûl eylediği işbu mahalle şerh verildi.