İstanbul Mahkemesi 138 Numaralı Sicil (H.1237-1238 / M. 1821-1822) cilt: 87, sayfa: 204 Hüküm no: 171 Orijinal metin no: [41b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Firari Boyacıoğlu Esteryanos v. Todori’nin dükkânındaki eşyaların satılarak parasının Abdüllatif Ağa’ya teslim edildiği Kazzâz defteridir İstanbul’da Çarşı-yı Kebîr’de kazzâzlar sûkunda Yağlıkçı sokağında vâki‘ Kömürcüoğlu Esbir ve Şişman zimmîler dükkânları beynlerinde kâin bir bâb kazzâz dükkânında müsteciren mütemekkin olan kazzâz esnâfından Boyacıoğlu Esteryanos v. Todori nâm zimmî müddet-i vâfireden beri dükkân-ı mezkûru mukaffelen terk ve ta‘tîl birle diyâr-ı âhara firâr ve gaybet-i münkatı‘a ile gāib ve mefkūd olmağla dükkân-ı mezkûrun ma‘rifet-i şer‘ ve kethudâ ve yiğitbaşı ve ustaları ma‘rifetleriyle kufli feth ve küşâd ve derûnunda mevcûd mütesâri‘u’l-fesâd olan eşyâsı tahrîr ve semen-i misilleriyle âhara bey‘ ve esmânı mefkūd ve mersûmun hâli mütebeyyen oluncaya değin yed-i emîne vaz‘ ve dükkân-ı mezkûr kendüye teslîm olunmasını dükkân-ı mezkûrun müsteciri ve kezâlik âlât-ı lâzımesinin mâliki Kazzâz Yorovam v. Yuvan nâm zimmî iltimâs etmekle kıbel-i şer‘den mürsel Kâtib es-Seyyid Mehmed Tâhir Efendi ve ma‘an meb‘ûs ümenâ-i şer‘den Çukadâr Hüseyin Ağa b. Mehmed ve Muhzır Salih Çelebi b. Mehmed ile esnâf-ı merkūme Kethudâsı Abdüllatif Ağa b. Mehmed Şakir ve Yiğitbaşı Mehmed Ağa b. Mustafa ve ustabaşılarından Aci Nikola v. Andon ve Sotori v. Kostandi ve Kirkor v. Hodâverdi ve sâir cerîdede mazbûtü’l-esâmî kimesneler hâzır oldukları hâlde dükkân-ı mezkûrun kufli feth ve küşâd ve derûnunda mevcûde mütesâri‘u’l-fesâd olan eşyâsı semen-i misilleriyle âhara bey‘ olunup esmânı gāib-i mersûmun hâli mütebeyyen oluncaya değin emîn ve mu‘temed idüğü ihbâr olunup kıbel-i şer‘den kayyım nasb olunan kethudâ-yı merkūm Abdüllatif Ağa yedine li-ecli’l-hıfz teslîm olunan eşyâ defteridir ki ber-vech-i âtî zikr olunur. Fî-gurre-i R sene 1238. Elvân süzeni ipek Dokuma ve ince elvân gaytan Sakız pamuğu Ham ipek İşkodra gaytanı Dirhem Kıyye Guruş Dirhem Kıyye Guruş Dirhem Kıyye Guruş Dirhem Dirhem Kıyye Guruş 235 10 Fî 70 110 1 Fi 80 40 3 Fî 8 100 160 52 Fî 80 Para Guruş Guruş Guruş Guruş Guruş 5 811 102 24,5 12,5 192 Çit? ve rast düğme Deste 3 Guruş 6 #&# [42a] Para Guruş 5 1.148 23 Dellâliye 5 1.125 5 28 Harc-ı defter 0 1.097 #&# Sahhu’l-bâkī merkūm bin doksan yedi guruşu kayyım-ı kethudâ-yı merkūm Abdüllatif Ağa bi’l-vesâye kabz ve bilâ-zarûre kendi umûruna sarfla istihlâk edip zimmetinde gāib-i mersûma damânen deyni olduğunu tâyi‘an ve kat‘iyyen ikrâr ve i‘tirâf ve meblağ-ı merkūm bin doksan yedi guruşu kayyım-ı mezbûrun emirleriyle esnâf-ı merkūmeden Ustabaşı Aci Nikola v. Anton ve Yorgi v. Apostol nâm zimmîlerden her biri müte‘âkiben kefîl bi’l-mâl ve dâmin olup tashîhan li’l-kefâle vasî nasb olunan merkūm Muhzır Salih Çelebi b. Mehmed dahi kefâletlerini kabûl eyledikleri işbu mahalle şerh verildi.