İstanbul Mahkemesi 138 Numaralı Sicil (H.1237-1238 / M. 1821-1822) cilt: 87, sayfa: 211 Hüküm no: 178 Orijinal metin no: [43a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İbrişim ve ipek bükücü esnafından Haçok v. Karabet’in ipek bükücü destgâhını kızı Saltana’ya sattığı İbrişim bükücü destgâhı Âsitâne-i aliyye -sânehallâhu te‘âlâ ani’l-âfât ve’l-beliyye-de kâin ibrişim ve ipek bükücü esnâfından Haçok v. Karabet nâm zimmî meclis-i şer‘-i hatîr-i lâzımü’t-tevkīrde sulbiye-i kebîre kızı olup şahsı ta‘rîf-i şer‘î ile mu‘arrefe olan işbu bâ‘isetü’s-sifr Saltana nâm Nasrâniye muvâcehesinde ikrâr-ı tam ve takrîr-i kelâm edip mahmiye-i mezbûrede Fazlıpaşa Sarayında vâki‘ akd-i âti’z-zikrin sudûruna değin yedimde mâlım ve mülküm olan mükemmel âlâtıyla bir aded ibrişim ve ipek bükücü destgâhımı tarafeynden îcâb ve kabûlü hâvî şurût-ı müfsideden ârî bey‘-i bâtt-ı sahîh-i şer‘î ve safka-i vâhide ile beş yüz guruşa kızım mersûme Saltana Nasrâniye’ye bey‘ ve temlik ve teslîm eylediğimde ol dahi yedimden iştirâ ve temellük ve tesellüm ve kabz ü kabûl ve semeni olan meblağ-ı merkūm beş yüz guruşu bana def‘ ü teslîm ben dahi yedinden tamamen ahz ü kabz edip mebî‘-i mezkûrun tağrîr ve gabnine müte‘allika âmme-i da‘vâdan tarafeynden her birimiz âharın zimmetini ibrâ-i âmm-ı sahîh-i şer‘î ile kabûlü hâvî ibrâ ve iskāt dahi etmemizle fîmâ-ba‘d zikr olunan bir aded bükücü destgâhda benim kat‘a alâka ve medhalim kalmayup kızım mersûme Saltana Nasrâniyenin mâlı ve mülkü olmuşdur dedikde gıbbe [’t-tasdîki’ş-şer‘î mâ-vaka‘a bi’t-taleb ketb olundu.] Fî 23 Ca sene 1238. Şühûdü’l-hâl: Kazzâzlar Kethudâsı Abdüllatif Ağa, Yiğitbaşı Molla Mehmed, Muhzır Mehmed Emin, Yiğitbaşı Begos v. Kirkor zimmî, Usta Mıgırdıç v. Kapril zimmî.