Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 335 Hüküm no: 366 Orijinal metin no: [57b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Angeliye bt. Nikola’nın evini Raliha bt. sürücü Dimitraki’ye sattığı Mahmiye-i İstanbul’da Fenerkapısı kurbunda Abdi Subaşı mahallesi sâkinelerinden Angeliye bt. Nikola nâm nasrâniye ba‘de’t-ta‘rîfi’ş-şer‘î meclis-i şer‘-i şerîf-i enverde mahalle-i mezbûre sâkinelerinden râfi‘atü hâzihi’l-vesîka Raliha bt. sürücü Dimitraki nâm nasrâniye tarafından husûs-ı âti’z-zikri tasdîke vekîl olduğu zâtını ârifân Mehmed b. Hasan ve diğer Mehmed b. Abdullah şehâdetleriyle şer‘an sâbit olan Dimitri v. İstemad nâm zimmî muvâcehesinde ikrâr ve takrîr-i kelâm edip arsası Ayasofya-i Kebîr evkāfından senede yirmi akçe mukāta‘a ile taht-ı tasarrufunda ve ebniyesi akd-i âtî sudûruna değin yedimde mülk ve hakkım olup zikr olunan Fenerkapısı hâricinde vâki‘ bir tarafdan Nalbandoğlu mülkü ve bir tarafdan Aleksandi mülkü ve bir tarafdan cidâr-ı hısn ve bir tarafdan tarîk-i âm ile mahdûd bir bâb fevkānî ve bir bâb tahtânî oda ve bir sofa ve bi’r-i mâ ve cüneyne ve kenîfi müştemil menzilin ebniye-i memlûkesi tarafeynden îcâb ve kabûlü hâvî bey‘-i kat‘î ile mezbûre Raliha’ya yüz elli guruşa bey‘ ve temlîk ve teslîm ve arsasını bâ ma‘rifet-i mütevellî meccânen ferâğ ve tefvîz ve kabûl eyledikden sonra semeni olan meblağ-ı mezbûr elli esedî guruşu yedinden tamâmen ahz u kabz eyledim fîmâ ba‘d ebniye-i mezbûre müvekkile-i merkūmenin mülk-i [58a] müşterâsı ve arsa-i mezkûre dâhil-i havza-i tasarrufu olmuşdur keyfe mâ yeşâ mutasarrıfe olsun dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Recebi’l-ferd li sene seb‘a ve tis‘în ve elf. Şuhûdü’l-hâl: Süleyman Efendi b. Abdullah el-İmâm, Hüseyin Çelebi b. Hasan, Mehmed b. Abbas el-Attâr, Mustafa Kalaycı, Dilaver b. Abdullah.