Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 335 Hüküm no: 367 Orijinal metin no: [58a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hüseyin Çelebi b. Sinan’ın kölesi Yusuf b. Abdullah’la üç sene hizmetten sonra azat etmek üzere anlaştığı Mahmiye-i İstanbul’da eş-Şeyh Ebülvefâ mahallesinde sâkin Hüseyin Çelebi b. Sinan nâm kimesne meclis-i şer‘-i şerîf-i enverde kendiye rıkkını mu‘terif olan işbu orta boylu açık kaşlı gök ala gözlü Lehiyyü’l-asl bâ‘isü hâze’l-kitâb Yusuf b. Abdullah mahzarında tav‘an ve ra‘iyyeten ikrâr ve i‘tirâf edip işbu abd-i memlûküm mevsûf-ı mezkûr Yusuf’u târih-i kitâbdan üç sene tamâmına değin sadâkat ve istikāmet ile bana hizmet etmek üzre kitâbete kestim ba‘de’l-yevm vech-i meşrûh üzre üç sene tamâmına değin bana hizmet eyledikden sonra mevsûf-ı mezkûr Yusuf sâir ahrâr-ı asliyyî[n] gibi hür olsun dedikde mevsûf-ı mezkûr Yusuf mevlâsı olan mezkûr Hüseyin Çelebi’yi cemî‘ kelimât-ı meşrûhasında vicâhen tasdîk ve şifâhen tahkīk edicek mâ hüve’l-vâki‘ bi’t-taleb ketb olundu. Fî gurreti Şa‘bâni’l-mu‘azzam li sene seb‘a ve tis‘în ve elf. Şuhûdü’l-hâl: Hammâmî el-Hâc Mustafa, Kethüdâ el-Hâc Ömer Ağa, Süleyman Çelebi b. Mehmed, Mehmed Çelebi b. Mehmed, Sultan hammâmîsi Süleyman Çelebi, nâzır Mehmed, diğer Mehmed Çelebi ve gayruhüm.