Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 337 Hüküm no: 369 Orijinal metin no: [58a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Çeyrekçilerin Fatih Camii avlusunda narhtan noksana et satmalarına engel olunmaması Çeyrekçi tâifesinden olup mahmiye-i İstanbul’da Cebecibaşı mahallesinde sâkin Mehmed b. Musa ve Ayazmakapısı’nda sâkin Hasan b. Maden ve Çıkrıkçı Kemal mahallesinde sâkin Mustafa b. Ali ve Hüseyin b. Mehmed nâm kimesneler meclis-i şer‘-i şerîfde takrîr-i kelâm ve ta‘bîr ani’l-merâm edip biz kadîmden olageldiği üzre mahmiye-i mezbûreye koyun getiren celeblerden akçemiz ile koyun iştirâ ve ba‘de’z-zebh ve’t-tetahhur mahmiye-i mezbûrede Sultan Mehmed câmi‘-i şerîfinin Büyük Karaman kapısı dâhilinde vaz‘ ve her vakıyyesi narh-ı cârîden bir akçe noksân olmak üzre lahm-ı ganem bey‘ edip ziyâdeye bey‘ etmemek üzre her birimiz âhara kefîller olmuşuzdur hâlâ kasab tâifesi bize mâni‘ olmamak matlûbumuzdur [de]diklerinde işbu vesîka-i ânife bi’t-taleb ketb olundu. Fî gurreti Şa‘bâni’l-mu‘azzam li sene seb‘a ve tis‘în ve elf. Şuhûdü’l-hâl: El-Hâc Mustafa b. Tevekkül, Mustafa Çelebi b. el-Hâc Ahmed, İbrahim Çelebi b. Mehmed ve Mehmed b. Abdullah.