Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 337 Hüküm no: 370 Orijinal metin no: [58b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Çeyrekçilerin Fatih Camii avlusunda narhtan noksana et satabilecekleri Çeyrekçi tâifesinden olup mahmiye-i İstanbul’da Sultan Selim câmi‘-i şerîfi kurbunda Çukurbostan mahallesinde sâkin es-Seyyid Abdurrahman b. Mehmed ve Abdullah b. Haydar nâm kimesneler meclis-i şer‘-i şerîfde takrîr-i kelâm edip biz kadîmden olageldiği üzre mahmiye-i mezbûreye koyun getiren celeblerden akçemiz ile koyun iştirâ ve ba‘de’z-zebh ve’t-tetahhur mahmiye-i mezbûrede Sultan Mehmed câmi‘-i şerîfi’nin Küçük Karamankapısı dâhilinde vaz‘ ve her vakıyyesi narh-ı cârîden bir akçe noksân olmak üzre lahm-ı ganem bey‘ edip ziyâdeye bey‘ etmemek üzre taraf-ı şer‘den vesîka tahrîr ve yedimize def‘ olunmak matlûbumuzdur dedikler[inde] mahalle-i mezbûr sükkânından Abdullah’ın babası Haydar Beşe b. Ali nâm kimesne dahi ber vech-i mezkûr kefîl olmağın kıbel-i şer‘-i münîrden işbu vesîka-i anîfe ketb ü tahrîr olundu. Fî gurreti Şa‘bâni’l-mu‘azzam li sene seb‘a ve tis‘în ve elf. Şuhûdü’l-hâl: El-Hâc Mustafa b. Tevekkül, Mustafa Çelebi b. el-Hâc Ahmed, İbrahim Çelebi b. Mehmed, Mehmed b. Abdullah ve gayruhüm.