İstanbul Mahkemesi 138 Numaralı Sicil (H.1237-1238 / M. 1821-1822) cilt: 87, sayfa: 279 Hüküm no: 258 Orijinal metin no: [58a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ulemaya meşrûta olan vakıf menzilinin Seyyid İbrahim Efendi’nin feragatiyle oğlu Mehmed Tahir Efendi’ye tevcihi Bir bâb vakıf menzili ulemâya meşrûta olmağın keff-i yed birle sulbî kebîr oğluna tevcîhi Derûn-ı hüccetde tahrîr ve beyân ve tafsîl ve ayân kılınan hudûd ile mahdûd ve müştemilât-ı ma‘lûmeyi hâvî süknâsı ulemâya meşrût Dârü’l-Hilâfeti’l-aliyyede Sofular mahallesinde vâki‘ bir bâb vakıf menzile tevcîh-i hâkimü’ş-şer‘le mutasarrıf olan derûn-ı hüccetde mezkûru’l-ism ulemâdan es-Seyyid İbrahim Efendi rızâsıyla menzil-i mezkûrdan keff-i yed etmekle hâkim-i muvakkı‘-ı sadr-ı kitâb bi-tevkī‘ihi’r-refî‘i’l-müstetâb -veffakallâhu te‘âlâ ilâ-sebîli’s-savâb- efendi hazretleri menzil-i mahdûd-ı mezkûru ulemâdan ve erbâb-ı istihkākdan idüğü bi’l-ihbâr zâhir ve mütehakkık olan merkūm es-Seyyid İbrahim Efendi’nin sulbî kebîr oğlu işbu bâ‘isü’l-kitâb es-Seyyid Mehmed Tâhir Efendi’ye şart-ı vâkıf üzere tevcîh buyurup zabt ve tasarrufuna izin vermeğin mâ-vaka‘a bi’t-taleb ketb olundu. Fî 23 B sene 1238. Şühûdü’l-hâl: Muhzırlar Kethudâsı Hafız İsmail Ağa b. Mustafa, Molla Hüseyin el-Muhzır, Molla Halil el-Muhzır, Molla Mahmud el-Muhzır, Molla Mehmed Emin el-Muhzır.