İstanbul Mahkemesi 138 Numaralı Sicil (H.1237-1238 / M. 1821-1822) cilt: 87, sayfa: 294 Hüküm no: 277 Orijinal metin no: [62a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Habbaz esnafından Kolikoğlu Mikail v. Ohannes’in tahrîr olunan terekesi Habbâz Kolikoğlu hâlik Mikâil zimmînin kassâm defteri Mukābele şüd Habbâz tâifesinden olup bundan akdem sıla-i rahîm içün vatan-ı aslîsi olan Eğin kazâsı kurâlarından Apçağa karyesine azîmet eder iken esnâ-i râhda Kartal kasabasında hâlik olan Kolikoğlu Mikâil v. Ohannes zimmînin verâseti zikr olunan Apçağa karyesinde mütemekkinler zevce-i metrûkesi Harospima bt. Nikagos v. Atam Nasrâniye ile sulbiye kebîre kızı Ana Nasrâniyeye ve kendiden mukaddem hâlik olan sulbî oğlu Mıgırdıç zimmînin sulbî sagīr oğulları Nikagos ve Tatos ve Minas ve sulbiye sagīre kızları Penbe ve diğer Harospima’ya münhasıra olduğu lede’ş-şer‘i’l-enver zâhir ve mütehakkık oldukdan sonra zevce-i mersûme Harospima Nasrâniye tarafından husûs-ı âtîde kabûlüne mevkūfe vekîl olduğu şahsını ârifân karye-i mezbûre ahâlisinden bu esnâda Âsitâne-i aliyye’ye gelen Filibus v. Nikagos ve Dekriyos v. Kirkor zimmîler şehâdetleriyle mahzar-ı hasm-ı câhidde ber-nehc-i şer‘î sâbit olan Harmanoğlu Filibus v. Arakil ve bint-i mesfûre Ana Nasrâniyenin kaynı ve tarafından kezâlik husûs-ı âtîde vekîl olduğu şahsını bilir şâhidân-ı mersûmân şehâdetleriyle sâbit olan Sarrâf Sakaoğlu dâmâdı Mardıros v. Bağdisar ve sıgār-ı mersûmun Nikagos ve Tatos ve Minas ve Penbe ve diğer Harospima’nın anaları ve vakt-i rüşd ve sedâdlarına değin tesviye-i emirlerine min-kıbeli’ş-şer‘ vasîyy-i mansûbeleri Margarita bt. İpyar v. Filibus Nasrâniye tarafından kezâlik husûs-ı âtîde vekîl olduğu şahs-ı mersûmeyi bilir şâhidân-ı mersûmân şehâdetleriyle sâbit olan Arakil v. Parnik zimmîler taleb ve ma‘rifetleriyle tahrîr ve taksîm olunan tereke-i hâlik-i mersûmdur ki ber-vech-i âtî zikr olunur. Fî-gurre-i C sene 1238. Hâlik-i mersûmun sağlığında şerîki olup el-yevm fırın ve değirmen-i mezkûrda mütemekkin olan Kara Mağdisi oğlu Sahak v. Abraham zimmî ile olan şirketleri münfesiha olmağla habbâzân esnâfı ve bi’l-cümle nizâm ustaları ma‘rifetleriyle vükelâ-i mersûmun hesâblarını rü’yet edip mesfûr Sahak zimmî zimmetinde zuhûr eden hâlik-i mersûmun re’s-i mâl ve fâide-i hâsıladan hissesi olup kabz olunan 11.702,5 Guruş 292,5 Resm-i âdî 11.410 [Kalan] Medîne-i Üsküdar’a muzâfe Yoros nâhiyesine tâbi‘ Çengel karyesinde vâki‘ ma‘lûmü’l-hudûd bir bâb habbâz fırını ve ona merbût karye-i merkūmede kâin yedi uncu ve beş ekmekçi cem‘an altı horos yirmi dört re’s bârgir i‘tibâr olunan âlât-ı lâzıme-i ma‘lûmede hâlik-i mersûmun mâlik olduğu on re’s bârgir hisse-i şâyi‘asının ber-vech-i tahmîn kıymeti guruş 8.000 Hissetü’z-zevceti’l-mersûme 1.426 guruş 10 para mine’n-nakd: Mine’l-âlât: 1.000 guruş Hissetü’l-binti’l-mesfûre Mine’n-nakd: 5.705 guruş Mine’l-âlât: 4.000 guruş Hissetü’l-ibni’l-ibni’l-mersûm Mine’n-nakd: 1.069,5 guruş, 7,5 para Mine’l-âlât: 750 guruş Hissetü’l-ibni’l-ibni’l-mersûm Mine’n-nakd: 1.069,5 guruş, 7,5 para Mine’l-âlât: 750 guruş Hissetü’l-ibni’l-ibni’l-mersûm Mine’n-nakd: 1.069,5 guruş, 7,5 para Mine’l-âlât: 750 guruş Hissetü’l-binti’l-ibni’l-mersûme Mine’n-nakd: 534,5 guruş, 13 para, 2 akçe Mine’l-âlât: 750 guruş, 375 guruş Hissetü’l-binti’l-ibni’l-mersûme Mine’n-nakd: 534,5 guruş, 13 para, 2 akçe Mine’l-âlât: 750 guruş, 375 guruş Küsûr akçe: 2 Vükelâ-i mersûmûndan mesfûr Harmanoğlu Filibus zimmî müvekkilesi zevce-i mersûmenin nakd-i mezkûrdan hisse-i irsiyesi olan meblağ-ı merkūm bin dört yüz yirmi altı guruş on parayı bi’l-vekâle ve sarrâf-ı mersûm Mardıros zimmî dahi müvekkilesi bint-i mersûme Ana Nasrâniyenin nakd-i mezkûrdan hisse-i irsiyesi olan meblağ-ı merkūm beş bin yedi yüz beş guruşu bi’l-vekâle ve mersûm Arakil zimmî dahi sıgār-ı mersûmûnun hisse-i irsiyeleri olan cem‘an dört bin iki yüz yetmiş sekiz guruş otuz parayı müvekkilesi vasî-i mersûme içün bi’l-vekâle her biri mukaddemâ ahz ü kabz ve müvekkileleri mesfûrâna irsâl ve teslîm eylediklerini huzûr-ı şer‘de ikrâr ve i‘tirâf eyledikleri işbu mahalle şerh verildi. Hurrire bi-ma‘rifeti’l-memûr Nemekahu’l-fakīr ileyhi azze şânuhû Mehmed Âbid Dürrîzâde el-Kādı bi-Dâri’l-hilâfeti’l-aliyye -Gufira lehümâ -