Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 340 Hüküm no: 374 Orijinal metin no: [59a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed Ağa b. Abdullah’ın kalan borcunu erteletmesi Mahmiye-i İstanbul’da Molla Gürânî mahallesinde sâkin Mehmed Ağa b. Abdullah nâm kimesne meclis-i şer‘-i şerîf-i enverde yine mahmiye-i mezbûrede Şehremîni mahallesinde sâkin iken bundan akdem vefât eden Süleyman Bey b. Ömer’in vasiyy-i muhtârı olan işbu bâ‘isü’l-kitâb Musa Ağa b. Mehmed mahzarında ikrâr ve takrîr-i kelâm edip müteveffâ-yı mezbûr Süleyman Bey’e cihet-i karz-ı şer‘îden yedinde olan memhûr temessüküm nâtık olduğu üzre iki yüz altmış beş guruş deynim olup meblağ-ı mezbûrun yüz elli guruşunu hayâtında kendiye edâ ve teslîm ve dokuz guruşunu dahi vasiyy-i mezbûr Musa Ağa’ya teslîm edip ol dahi ahz u kabz eylediğinden sonra meblağ-ı bâkī-i mezbûr yüz guruşu vasiyy-i mezbûr Musa Ağa’ya hâlâ edâya iktidârım olmayıp te’cîle tâlib olduğumda, ol dahi târih-i kitâbdan otuz bir gün tamâmına değin edâ ve teslîm etmek üzre te’cîl eyledi dedikde gıbbe’t-tasdîki’ş-şer‘î mâ hüve’l-vâki‘ bi’t-taleb ketb olundu. Fi’l-yevmi’s-sânî min şehri Şa‘bâni’l-mu‘azzam li sene seb‘a ve tis‘în ve elf. Şuhûdü’l-hâl: Çukadâr Ahmed Beşe b. Abdullah, İsmail Çelebi ser-bölük, Ali b. Hasan, İbrahim Efendi b. Hüseyin, İbrahim Çelebi b. Ahmed, el-Hâc Mustafa b. Tevekkül, Mehmed Efendi b. Ahmed el-Kâtib ve gayruhüm.