İstanbul Mahkemesi 138 Numaralı Sicil (H.1237-1238 / M. 1821-1822) cilt: 87, sayfa: 314 Hüküm no: 293 Orijinal metin no: [67b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Takohi bt. Agop’un, Manav Ali Molla b. Feyzullah’a borcu olduğunu ikrarı İkrâr-ı deyn Mahmiye-i İstanbul’da Kumkapı kurbünde Sarrâc İshak mahallesinde mütemekkine ve şahsı mu‘arrefe Takohi bt. Agop Nasrâniye meclis-i şer‘-i hatîr-i lâzımü’t-tevkīrde Manav Ali Molla b. Feyzullah nâm kimesne mahzarında ikrâr-ı tam ve takrîr-i kelâm edip mezbûr Ali Molla bana mâlından beş bin elli guruş ikrâz ve teslîm eylediğinde ben dahi yedinden iktirâz ve tesellüm ve ahz ü kabz ve umûruma sarfla istihlâk etmemle meblağ-ı merkūm beş bin elli guruşu mezbûr Ali Molla’ya sahîhan zimmetimde deynimdir dedikde gıbbe’t-tasdîki’ş-şer‘î mâ-vaka‘a bi’t-taleb ketb olundu. Fi 15 Ş sene 1238. Şühûdü’l-hâl: Muhzır Molla Mustafa, Muhzır Molla Mahmud, Hîncı Avanes v. Moses zimmî, İpekçi Serkiz v. Asvador zimmî, Dülbentçi Agop v. Karabet zimmî ve gayruhum.