İstanbul Mahkemesi 138 Numaralı Sicil (H.1237-1238 / M. 1821-1822) cilt: 87, sayfa: 366 Hüküm no: 359 Orijinal metin no: [82b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Rum isyanına karışan İlya v. Dimo’nın bakkal dükkânının Mahmud b. Mehmed’e satıldığı Palıkpazarında Vâlide mahzeni demekle şehîr yağcı bakkāl Kezâlik hâzır oldukları hâlde meclis-i şer‘-i hatîr-i lâzımü’t-tevkīrde mahmiye-i İstanbul’da Bal Kapanı tüccârından işbu bâ‘isü’l-kitâb el-Hâc Mahmud b. el-Hâc Mehmed mahzarında ikrâr-ı tam ve takrîr-i kelâm edip mahmiye-i İstanbul hısnı ebvâbından Balık Pazarı Kapısı hâricinde yemeniciler içinde vâki‘ zikr olunan kırk yedi bâb dekâkin ve mağazalardan Vâlide mahzeni demekle şehîr ma‘lûmü’l-hudûd bir bâb yağcı bakkāl mağazası derûnunda mevcûde beyne’l-esnâf gedik ta‘bîr olunur âlât-ı lâzıme-i ma‘lûmenin yüz yirmi sehm i‘tibâriyle altmış sehmine mâlik olan İlya v. Dimo nâm zimmî bundan akdem vukū‘ bulan Rum tâifesi fesâdında medhali olduğuna binâen maktûlen hâlik olmağla âlât-ı lâzıme-i mezkûreden ber-vech-i mâlik olduğu altmış sehm hisse-i merkūmesi cânib-i mîrîden zabt ve tüccâra nizâmları üzere alacakları içün terk olundukda bâ-fermân-ı âlî âhara bey‘a memûr olmamla esnâfımızın şurût-ı nizâmları üzere âlât-ı lâzıme-i mezkûreden altmış sehm hisse-i mezkûreyi tarafeynden îcâb ve kabûlü hâvî şurût-ı müfsideden ârî bey‘-i kat‘î-i mu‘teber ile ba‘de’l-müzâyede ve inkıtâ‘ü’r-rağbe üç bin yüz elli guruşa mezbûr el-Hâc Mehmed Ağa’ya bi’l-memûriye bey‘ ve temlik ve teslîm eylediğimde ol dahi yedimden iştirâ ve temellük ve tesellüm ve kabz ü kabûl ve semeni olan meblağ-ı merkūm üç bin yüz elli guruşu bana def‘ ü teslîm eylediğinde ben dahi yedinden bi’l-memûriye ahz ü kabz ve tüccâr ve esnâf-ı merkūmûna teslîm eyledim fîmâ-ba‘d zikr olunan âlât-ı lâzıme-i ma‘lûmenin ber-i‘tibâr-ı mezbûr altmış sehmine cânib-i mîrî ve tüccâr ve esnâfdan kimesnenin alâka ve medhali kalmayup merkūm el-Hâc Mahmud Ağa’nın mâl-ı müşterâsı olmuşdur dedikde gıbbe [’t-tasdîki’ş-şer‘î mâ-vaka‘a bi’t-taleb ketb olundu.] Fî 4 C sene [1]238. Şühûdü’l-hâl: Eş-şâhidûne’s-sâbıkūn.