Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 346 Hüküm no: 382 Orijinal metin no: [61a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Fâtıma Hatun bt. Şeyh Süleyman Efendi’nin kocasına 100 kuruş hibe ettiği Mahmiye-i İstanbul’da Molla Zeyrek mahallesi sâkinelerinden Fâtıma Hâtun bt. eş-Şeyh Süleyman Efendi tarafından husûs-ı âti’l-beyâna vekîl olduğu zâtını ma‘rifet-i şer‘iyye ile ârifân Hâfız İbrahim Efendi b. Mehmed ve Müezzin Mehmed Halîfe b. Abdülmennân şehâdetleriyle şer‘an sâbit olan Sâlih Efendi b. el-Hâc Mehmed meclis-i şer‘-i şerîf-i enverde müvekkile-i mezbûrenin zevci olan işbu bâ‘isü’l-kitâb Mustafa Efendi b. eş-Şeyh Mehmed mahzarında bi’l-vekâle ikrâr-ı tâm ve takrîr-i kelâm edip müvekkile-i mezbûre Fâtıma Hâtun yüz esedî guruşu merkūm Mustafa Efendi’ye hibe-i sahîha-i şer‘iyye ile hibe ve temlîk ve teslîm ol dahi meblağ-ı mezbûr guruşu meclis-i hibede ittihâb ve tesellüm ve kabz eyledi min ba‘d meblağ-ı mezbûr yüz guruş merkūm Mustafa Efendi’nin mülk-i mevhûbudur dedikde gıbbe’t-tasdîki’ş-şer‘î mâ hüve’l-vâki‘ bi’t-taleb ketb olundu. Fi’l-yevmi’r-râbi‘ min Şa‘bâni’l-mu‘azzam li sene seb‘a ve tis‘în ve elf. Şuhûdü’l-hâl: Ahmed Efendi b. Yahya, Molla Hasan b. Ali, İbrahim Efendi [b.] Receb, Sefer Beşe b. Abdullah, İbrahim Çelebi b. Ahmed ve gayruhüm.