İstanbul Mahkemesi 147 Numaralı Sicil (H. 1241-1242 / M. 1826) cilt: 89, sayfa: 44 Hüküm no: 12 Orijinal metin no: [4a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Eskisaray teberdârlığından çıkma Mehmed Efendi’nin vakfiyesinin Haremeyn muhasebesine kaydettirildiği Vakfiyeyi kaleme kayd istid‘âsı Ma‘rûz Sâdır olan fermân-ı âlîlerine imtisâlen işbu arzuhâle ve arzuhâl-i mezkûra merbût olup Sarây-ı atîk-i ma‘mûre teberdârlarından muhrec Mehmed Efendi nâm sâhibü’l-hayrın İstanbul’da Cündî Meydânı kurbünde iki tarafdan Hasodabaşı Hasan vakfından senevî iki bin sekiz yüz seksen akçe mukāta‘a-i zemîn ile tûlen ve arzen bi-hesâb-ı terbî‘î bin yedi-yüz altmış dört zirâ‘ menzil arsası ve bir tarafdan Cündî Meydânı ve taraf-ı râbi‘i tarîk-i âm [4b] ile mahdûd terbî‘an ancak bin sekiz yüz otuz sekiz zirâ‘ arsa-i mevkūfesinin bin iki-yüz otuz üç senesi Şa‘bânı’nın on yedinci günüyle müverraha ve ol-târihde Haremeyn-i şerîfeyn müfettişi olup hâlâ Mekke-i Mükerreme kādısı mevâlî-i izâmdan fazîletlü es-Seyyid el-Hâc Mehmed Ârif Efendi dâ‘îlerinin imzâ ve hatmini hâviye derdest olan bir kıt‘a vakfiyeye mine’l-matla‘ ile’l-makta‘ nazar ve mütâla‘a olundukda mazmûnı şer‘-i şerîfe mutâbık ve serd ve sebki fenn-i sakka muvâfık olup ol-vechile ihticâca sâliha ve kayd ve sebte lâyıka olup ber-vech-i istid‘â Haremeyn-i şerîfeyn muhâsebesine kayd ile yed-i mütevellîde ibkā iktizâ edip lâkin arzuhâl-i mezkûrda muharrer olup tevliyet-i mezkûra vâkıf-ı merkūmun mahlûlünden sagīr oğlu Mehmed’e kāimmakāmıyla idâre etdirilmek üzere tevcîhi husûsu vakf-ı mezbûrun nâzırı Haremeyn-i şerîfeyn müfettişi fazîletlü efendi dâ‘îlerine havâle buyurulmak iktizâ eylediği İstanbul Mahkemesi’nden huzûr. Fî 27 L sene [1]241