Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 348 Hüküm no: 386 Orijinal metin no: [61b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Keresteci Serkis v. Şerez’in Hacı Mehmed Efendi b. Hasan’dan alacaklı olduğu Mahmiye-i İstanbul’da hısnı ebvâbından Ayazmakapısı hâricinde keresteci olan bâ‘isü hâze’l-kitâb Serkis v. Şerez nâm Ermeni meclis-i şer‘-i şerîf-i enverde el-Hâc Mehmed Efendi b. Hasan mahzarında üzerine da‘vâ ve takrîr-i kelâm edip mezbûr el-Hâc Mehmed Efendi zimmetinde yedimden müşterâ ve makbûz beynimizde ma‘lûm kereste bahâsından dört bin üç yüz on üç akçe hakkım olmağla hâlâ suâl olunup meblağ-ı mezbûru bana edâ ve teslîme tenbîh olunmak matlûbumdur dedikde gıbbe’s-suâl mezbûr el-Hâc Mehmed Efendi cevâbında fi’l-hakīka müdde‘î-i mezbûra ber vech-i muharrer cihet-i mezkûreden dört bin üç yüz on üç akçe elân zimmetinde lâzımü’l-edâ deyni olduğunu bi tav‘ihâ ikrâr ve i‘tirâf etmeğin alâ mûcebi i‘tirâf[ihî] meblağ-ı mezbûr dört bin üç yüz on üç akçeyi müdde‘î-i mezbûra edâ ve teslîme tenbîh olunup mâ vaka‘a bi’t-taleb ketb olundu. Fi’[l-yevmi’]s-sânî min Şa‘bâni’l-mu‘azzam li sene seb‘a ve tis‘în ve elf. Şuhûdü’l-hâl: El-Hâc Ali b. İbrahim, el-Hâc Mustafa b. Tevekkül, Uzun Mehmed b. Şaban, Hasan b. Mehmed ve gayruhüm.