Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 349 Hüküm no: 387 Orijinal metin no: [61b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Osman Çavuş b. Mustafa’nın kölesi Mustafa b. Abdullah’ı azat etmesi Mahmiye-i İstanbul’da Hoca Üveys mahallesinde sâkin Dergâh-ı âlî yeniçerilerinin otuz ikinci sekbânlara mahsûs oda yoldaşlarından Osman Çavuş b. Mustafa meclis-i şer‘-i şerîf-i lâzımü’t-teşrîfde ikrâr-ı tâm ve takrîr-i kelâm edip bana rıkkını mu‘terif olan işbu orta boylu açık kaşlı ala gözlü alnında nişânı olup Abazaviyyü’l-asl Mustafa b. Abdullah nâm abd-i memlûkümü, târih-i kitâbdan dört sene mukaddem hasbeten lillâhi’l-meliki’l-Hallâk malımdan tahrîr ve i‘tâk ve zümre-i ahrâr-ı asliyyîne idrâc ve ilhâk eyledim mevsûf-ı mezbûr Mustafa târih-i mezkûrdan beri sâir ahrâr-ı asliyyîn gibi hür olup üzerinde velâ-i şer‘îden gayrı hakkım bâkī kal[ma]mışdır dedikde mâ hüve’l-vâki‘ bi’t-taleb ketb olundu. Fi’l-yevmi’r-râbi‘ min Şa‘bâni’l-mu‘azzam li sene seb‘a ve tis‘în ve elf. Şuhûdü’l-hâl: Süleyman Beşe başkollukçu 16 sekbân, Mustafa Beşe Sarr[âc]başı 19 sekbân, el-Hâc Ahmed Beşe Hammâmî, Bekir Çelebi Hammâmî.