İstanbul Mahkemesi 147 Numaralı Sicil (H. 1241-1242 / M. 1826) cilt: 89, sayfa: 92 Hüküm no: 54 Orijinal metin no: [20b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Koca Mustafa Paşa Camisi Hatibi Seyyid Mehmed Hâşim Efendi b. es-Seyyid Nûreddin Efendi’nin, vazifesini es-Seyyid Hâfız Mehmed Şerefeddîn Efendi b. eş-Şeyh Mustafa Efendi’ye devrettiği Hitâbet ferâğı Ma‘rûz-ı Dâ‘î-i Devlet-i Aliyyeleridir ki Ber-mantûk-ı kayd İstanbul’da Zincirli Servi nezdinde vâkı‘ vezîriazam -ı esbak Koca Mustafa Paşa merhûmun câmi‘-i şerîfine yevmî on akçe vazîfe ile hitâbet cihetine bâ-berât-ı âlîşân mutasarrıf olan es-Seyyid Mehmed Haşim Efendi b. es-Seyyid Nûreddin Efendi cihet-i mezkûreyi hüsn-i rızâsıyla erbâb-ı istihkākdan es-Seyyid Hâfız Mehmed Şerefeddîn Efendi b. eş-Şeyh Mustafa Efendi’ye ferâğ ve kasr-ı yed eylediğinden bahisle cihet-i merkūme fâriğ-i merkūmun ferâğından mefrûğun-leh-i merkūma tevcîh buyurulmak recâsına vâkıf-ı müşârun-ileyhin hankāhı şeyhi es-Seyyid Mehmed Râzî Efendi ile kāimmakām mütevellîsi Lutfullah Efendi bi’l-iştirâk işbu arz ile inhâ ve mefrûğun-leh-i merkūmun istihkākı dahi lede’l-imtihân zâhir ve hüveydâ olmağla hitâbet-i mezkûre merkūm Haşim Efendi ferâğından merkūm es-Seyyid Hâfız Şerefeddîn Efendi’ye vazîfe-i mezbûresiyle tevcîh ve yedine bir kıt‘a berât-ı şerîf-i âlî-şân sadaka ve ihsân buyurulmak bâbında emr u fermân hazret-i veliyyü’l-emrindir. Fî Selh-i Za sene [12]41